Qala ákimi Baqytjan Saǵyntaev óziniń Instagram paraqshasynda qoǵamdyq keńistikti retke keltirý boiynsha keshendi jumystar týraly jazdy, dep habarlaidy QazAqparat.
Baqytjan Saǵyntaevtyń jazýynsha, qalanyń ortalyq aýdandarynda burynnan bar skver men alańdar jóndelip, retke keltirilip jatsa, shetki aýmaqtarda bos ári qaraýsyz qalǵan ýchaskelerde balalardyń oiyn jáne sport kesheni ornatylyp jatyr.
«Bul - «Biýdjetke qatysý» jobasyna qatysyp, belsendilik tanytqan qala turǵyndarynyń arqasy», – dep atap ótti megapolis ákimi.
Mysaly, biyl Naýryzbai aýdanynda osyndai 32, Alataý aýdanynda – 31, Túrksibte – 18 alań ornatylady. Áýezov aýdanynda – 21, Jetisýda – 18, Medeý men Bostandyq aýdandarynda 8 joba júzege asyrylyp jatyr. Almaly aýdanynda bos jatqan 5 ýchaske abattandyrylyp, úi janýarlaryn serýendetýge arnalǵan 3 alań uiymdastyryldy.
Balalar men jasóspirimderdiń erkin oinap, aǵa býyn ókilderiniń demalysyna jaily oryndy shaǵyn ýchaskelerdiń turǵyndary ózderi tańdaidy.
Sondyqtan mundai aimaqtardyń qadamdyq qoljetimdiligi mańyzdy.
Aita keteiik, barlyq aýdanda kúres, boks, fýtbol úiirmeleri ashylady.
