Almaty qalasyndaǵy «Arbat» alańynda adam pyshaqtaǵan kúdiktige qatysty sot úkimi shyǵaryldy, dep habarlaidy "Ult aqparat" qalalyq sottyń baspasóz qyzmetine silteme jasap.
Qylmystyq is Almaly aýdandyq sotynda qaraldy.
Is materialdaryna sáikes 2019 jyldyń maýsymynda «Arbat» alańynda top bolyp turǵan jastar arasynda sóz daýy paida bolǵan.
Kúdikti jábirlenýshimen eregesip qalyp, qaita ainalyp kelip oǵan pyshaq salǵan.
Sonyń kesirinen jábirlenýshiniń keýde qýysy kóketi jaraqattalyp, baýyrynyń sol jaq bóligi tilinip ketken. Ol birneshe apta aýrýhanada jatty.
Sottalýshy óziniń is-áreketin moinyna alyp, istegenine ókinish bildirdi.
Sýdia ony QR Qylmystyq kodeksiniń 106-baby 2-bólimi boiynsha aiypty dep taýyp, 6 jylǵa bas bostandyǵynan aiyrý týraly úkim shyǵardy.
