الماتى قالاسىنداعى «اربات» الاڭىندا ادام پىشاقتاعان كٷدٸكتٸگە قاتىستى سوت ٷكٸمٸ شىعارىلدى, دەپ حابارلايدى "ۇلت اقپارات" قالالىق سوتتىڭ باسپاسٶز قىزمەتٸنە سٸلتەمە جاساپ.
قىلمىستىق ٸس المالى اۋداندىق سوتىندا قارالدى.
ٸس ماتەريالدارىنا سەيكەس 2019 جىلدىڭ ماۋسىمىندا «اربات» الاڭىندا توپ بولىپ تۇرعان جاستار اراسىندا سٶز داۋى پايدا بولعان.
كٷدٸكتٸ جەبٸرلەنۋشٸمەن ەرەگەسٸپ قالىپ, قايتا اينالىپ كەلٸپ وعان پىشاق سالعان.
سونىڭ كەسٸرٸنەن جەبٸرلەنۋشٸنٸڭ كەۋدە قۋىسى كٶكەتٸ جاراقاتتالىپ, باۋىرىنىڭ سول جاق بٶلٸگٸ تٸلٸنٸپ كەتكەن. ول بٸرنەشە اپتا اۋرۋحانادا جاتتى.
سوتتالۋشى ٶزٸنٸڭ ٸس-ەرەكەتٸن موينىنا الىپ, ٸستەگەنٸنە ٶكٸنٸش بٸلدٸردٸ.
سۋديا ونى قر قىلمىستىق كودەكسٸنٸڭ 106-بابى 2-بٶلٸمٸ بويىنشا ايىپتى دەپ تاۋىپ, 6 جىلعا باس بوستاندىعىنان ايىرۋ تۋرالى ٷكٸم شىعاردى.
