Foto: Kazinform
Almatyny selden qorǵaý úshin Aqsai ózeniniń basseinine bóget salýǵa mindettelgen merdiger kompaniia memleketke 775 mln teńge zalal keltirgen, dep habarlaidy «Ult aqparat» Kazinform-ǵa silteme jasap.
Qarjylyq monitoring agenttiginiń resmi ókili Álibek Ábdilov ortalyq kommýnikatsiialar qyzmetinde ótken brifingide osyndai málimet aitty.
«Qarjylyq monitoring agenttigi elimizdiń úsh oblysynda sý tasqyny kezeńinde azamattardyń qaýipsizdigin qamtamasyz etýge tiis bolatyn selden qorǵaityn bógetter men sý qoimalaryn salý jáne tiisti jóndeý, ózen arnalaryn keńeitý jumystaryn júrgizýi tiis merdigerlerge qatysty sotqa deiingi tergeý amaldaryn júrgizýde.
Osylaisha, Tótenshe jaǵdailar ministrligi «Qazseldenqorǵaý» memlekettik mekemesimen kelisimshartqa otyrǵan merdiger uiymnyń direktory biýdjet qarajatyn jymqyrý deregi boiynsha kúdiktenýde. JShS Almaty qalasy «Aqsai ózeniniń basseininde seldi ustaityn bóget salý» jobasyn iske asyrǵan», - dedi ol.
Seriktestiktiń jaýapty adamdaryna aldyn ala sóz bailasty degen aiyp taǵylýy múmkin.
«Bul tulǵalar asa iri kólemde, biýdjet qarajatyn jymqyrdy degen kúdikke ilindi. Zalal somasy aldyn-ala esep boiynsha 775 mln teńgeden asady», - dedi Álibek Ábdilov.
