«Almatymetroqurylys» AQ burynǵy basshylary Murat Ýkshebaev pen Nurlan Sembiev 350 mln teńge salyq tóleýden jaltarǵan, dep habarlaidy QazAqparat.
Bul týraly Almaty qalalyq Ekonomikalyq zertteýler departamentiniń basshysy Aqylbekov Dáýlet málim etti.
«Almatyda salyq tóleýden jaltarǵan zańdy tulǵalar arasynda birneshe qylmys tirkeldi. Olardyń biri «Almatymetroqurylys» AQ burynǵy basshylary Marat Ýkshebaev pen Nurlan Sembievke sotqa deiingi qatysty tergeý amaldary jaqynda aiaqtaldy. Bul tulǵalar barlyǵy 350 mln teńge bolatyn salyq nemese basqa da mindetti tólemder jasaýdan bas tartqan. 19 maýsymda bul azamattarǵa qatysty qylmystyq óndiris toqtatyldy. Sebebi, olar barlyq shyǵyndy ótedi», - dedi Dáýlet Aqylbekov.
Departament basshysynyń málimdeýinshe, zańdy tulǵalardy salyqtyq tólemderden jeńildetý maqsatynda jalǵan schet faktýra jazý beleń alyp ketken.
Almatyda sońǵy jyldarmen salystyrǵanda zańdy tulǵalar arasynda ainalatyn aqsha ainalymy joǵary.
«2018 jylmen salystyrǵanda aqsha ainalymy 53%-ǵa ósti. Byltyr 155 mlrd teńge bolsa, biyl 237 mlrd teńgege jetti. Biyldyń ózinde jalǵan schet faktýra jazý boiynsha 14 qylmystyq is tirkeldi», - dedi Dáýlet Aqylbekov.
