Almatyda er adamnyń jaraqat alýyna bailanysty Qurt laqap atymen tanymal reper Damir Qoishybaevqa qatysty qylmystyq is qozǵaldy, dep habarlaidy ult.kz.
Áleýmettik jelidegi málimetke sáikes, oqiǵa 30-nan 31 tamyzǵa qaraǵan túni bolǵan. Sheshendik óner kýrsynyń sabaǵynan keiin stýdentter oqytýshylarymen birge barǵa barǵan. Sol jerde reper de tanystarymen otyrǵan.
Kesh barysynda janjal týyp, keiin tóbeleske ulasqan. Saldarynan bir er adam jaraqat alyp, aýrýhanaǵa jetkizilgen.
Medeý aýdandyq politsiia basqarmasy atalǵan fakti boiynsha qylmystyq is qozǵady. Politsiia janjalǵa qatysqandardyń barlyǵyn anyqtaǵan.
Qazir olardy ustaý boiynsha jumystar júrgizilip jatyr. Tergeý Almaty qalasy politsiia departamenti basshylyǵynyń baqylaýynda.
