Almatylyqtardy 30 million teńgege aldap ketken alaiaq qamaýǵa alyndy, dep habarlaidy QazAqparat.
Almaly aýdanynyń politsiia qyzmetkerleri 39 jastaǵy azamat P.-ǵa qatysty QR QK-niń 190-baby 3-bóligi boiynsha qylmystyq is qozǵady.
«Er adam Almatynyń birneshe turǵynyn aldady degen kúdikke ilindi. Onyń áreketinen keltirilgen jalpy materialdyq shyǵyn shamamen 30 million teńge. Aldanǵan azamattar kúdiktiniń zańsyz áreketterin óz aryzdarynda kórsetken. Aryzdanýshylardyń biriniń sózine sáikes, ol azamat P.-men internette tanysqan. Jańa tanysy BAÁ nemese Eýropadan naryqtan tómen baǵaǵa kólik alýǵa kómektesýdi usynǵan. Kúdiktige 30 myń dollar kóleminde aqsha aýdarylǵannan keiin ol bailanysqa shyǵýyn toqtatqan», – dedi Almaly aýdandyq Politsiia basqarmasynyń bastyǵy Esen Ysqaqov.
Kúdikti qamaýǵa alyndy. Onyń osyǵan uqsas birneshe iske qatysy bar ekeni anyqtaldy – ol kepilge qoiylǵan páterlerdi satyp alýǵa múmkindik beremin degen jeleýmen jergilikti turǵyndardyń aqshasyn jymqyrǵan. Al ózin ekinshi deńgeili bankterdiń biriniń taratý komissiiasynyń múshesi retinde tanystyrǵan.
«Taǵy bir epizodta azamat P. qylmystyq isti toqtatýǵa kómektesýge ýáde bergen. Kúdiktige qatysty sotqa deiingi tergeý aiaqtalǵanǵa deiin qamaýǵa alý túrindegi bultartpaý sharasy tańdaldy.
Osy adamnyń alaiaqtyq áreketinen zardap shekken azamattar myna telefon nómirleri arqyly habarlasýlaryna bolady: 8-708-707-9202; 8-705-555-7763; 8-775-719-2727», - dedi politsiiadan.
