الماتىلىقتاردى 30 ميلليون تەڭگەگە الداپ كەتكەن الاياق قاماۋعا الىندى, دەپ حابارلايدى قازاقپارات.
المالى اۋدانىنىڭ پوليتسييا قىزمەتكەرلەرٸ 39 جاستاعى ازامات پ.-عا قاتىستى قر قك-نٸڭ 190-بابى 3-بٶلٸگٸ بويىنشا قىلمىستىق ٸس قوزعادى.
«ەر ادام الماتىنىڭ بٸرنەشە تۇرعىنىن الدادى دەگەن كٷدٸككە ٸلٸندٸ. ونىڭ ەرەكەتٸنەن كەلتٸرٸلگەن جالپى ماتەريالدىق شىعىن شامامەن 30 ميلليون تەڭگە. الدانعان ازاماتتار كٷدٸكتٸنٸڭ زاڭسىز ەرەكەتتەرٸن ٶز ارىزدارىندا كٶرسەتكەن. ارىزدانۋشىلاردىڭ بٸرٸنٸڭ سٶزٸنە سەيكەس, ول ازامات پ.-مەن ينتەرنەتتە تانىسقان. جاڭا تانىسى باە نەمەسە ەۋروپادان نارىقتان تٶمەن باعاعا كٶلٸك الۋعا كٶمەكتەسۋدٸ ۇسىنعان. كٷدٸكتٸگە 30 مىڭ دوللار كٶلەمٸندە اقشا اۋدارىلعاننان كەيٸن ول بايلانىسقا شىعۋىن توقتاتقان», – دەدٸ المالى اۋداندىق پوليتسييا باسقارماسىنىڭ باستىعى ەسەن ىسقاقوۆ.
كٷدٸكتٸ قاماۋعا الىندى. ونىڭ وسىعان ۇقساس بٸرنەشە ٸسكە قاتىسى بار ەكەنٸ انىقتالدى – ول كەپٸلگە قويىلعان پەتەرلەردٸ ساتىپ الۋعا مٷمكٸندٸك بەرەمٸن دەگەن جەلەۋمەن جەرگٸلٸكتٸ تۇرعىنداردىڭ اقشاسىن جىمقىرعان. ال ٶزٸن ەكٸنشٸ دەڭگەيلٸ بانكتەردٸڭ بٸرٸنٸڭ تاراتۋ كوميسسيياسىنىڭ مٷشەسٸ رەتٸندە تانىستىرعان.
«تاعى بٸر ەپيزودتا ازامات پ. قىلمىستىق ٸستٸ توقتاتۋعا كٶمەكتەسۋگە ۋەدە بەرگەن. كٷدٸكتٸگە قاتىستى سوتقا دەيٸنگٸ تەرگەۋ اياقتالعانعا دەيٸن قاماۋعا الۋ تٷرٸندەگٸ بۇلتارتپاۋ شاراسى تاڭدالدى.
وسى ادامنىڭ الاياقتىق ەرەكەتٸنەن زارداپ شەككەن ازاماتتار مىنا تەلەفون نٶمٸرلەرٸ ارقىلى حابارلاسۋلارىنا بولادى: 8-708-707-9202; 8-705-555-7763; 8-775-719-2727», - دەدٸ پوليتسييادان.
