Almatylyqtar qan tapsyrý ortalyǵyna aǵylyp jatyr, dep habarlaidy "Ult aqparat".
Álmerek aýylynda bolǵan ushaq apatynan soń áleýmettik jelide qan donory qajet ekeni týraly aqparat taraǵan bolatyn. Bul aqparatty Instagram jelisinde QR Bala quqyqtary jónindegi ýákil Arýjan Sain jáne Almaty qalasynyń ákimdigi jariialaǵan edi.
Sonymen qatar, belgili ánshi Meirambek Bespaev ta kópshilikti qan tapsyrýǵa shaqyrdy.
Áleýmettik jelidegi habarlamadan soń qala turǵyndary qan ortalyǵyna qarai aǵyldy. Birer saǵattan soń qaladaǵy qan ortalyǵyna jinalǵan adam qarasy kóbeiip ketti. Donor bolýǵa niet bildirgenderdiń sany saǵat sanap artyp jatyr.
Aita keteiik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi. Elbasy Nursultan Nazarbaev jolaýshylar ushaǵynyń apatqa ushyraýyna bailanysty kóńil aitty.
QR DSM ushaq apatynan zardap shekkenderge meditsinalyq kómek kórsetý úshin resýrstar jetkilikti ekenin, qan tapsyrýdyń qajeti joq ekenin málimdedi.
