Almaty ákimi Baqytjan Saǵyntaev bastaǵan qala jurtshylyǵy Táýelsizdik monýmentine gúl shoqtaryn qoidy, dep habarlaidy QazAqparat.
«Táýelsizdik» monýmenti aldyndaǵy saltanatty sharaǵa qala ákiminiń orynbasarlary, aýdan ákimderi, qoǵamdyq uiymdardyń ókilderi, qala turǵyndary qatysty.
Sonymen qatar gúl shoqtaryn jeltoqsandyqtar, partiialar men azamattyq qoǵam ókilderi, Aýǵan soǵysynyń jaýyngerleri jáne Chernobyl qatysýshylary, Qazaqstan halqy Assambleiasynyń músheleri jáne etnomádeni birlestikterdiń ókilderi, Nur Otan partiiasynyń jastar qanatynyń ókilderi qoidy.
Is-shara áskeri úrmeli aspaptar orkestriniń súiemeldeýimen ótti.
Aita keteiik, Táýelsizdik monýmenti Respýblika alańynda 1996 jyly 16 jeltoqsanda Qazaqstan Respýblikasynyń Tuńǵysh Prezidenti Nursultan Nazarbaevtyń Jarlyǵymen ashyldy. Avtorlyq toptyń jetekshisi respýblikanyń eńbek sińirgen sáýletshisi, Shoqan Ýálihanovtyń urpaǵy Shota Ýálihanov.
