Almaty qalasy sanitarlyq-epidemiologiialyq baqylaý departamentiniń bastyǵy, qalanyń bas memlekettik sanitar dárigeri Jandarbek Bekshin almatylyqtardyń koronavirýsty qai jerde jii juqtyratynyn aitty, dep habarlaidy "Ult aqparat".
«Qarasha men jeltoqsan aiynyń birinshi aptasynyń qorytyndysy boiynsha koronavirýsqa neǵurlym beiim kontingent - 20-dan 60 jasqa deiingi azamattar ekeni anyqtaldy. Kóbine 20-39 jas aralyǵyndaǵy jastar aýyrdy, olardyń úlesi qarasha aiynda da, jeltoqsannyń birinshi aptasynda da 32-36% boldy. 40-59 jas aralyǵyndaǵy adamdar - 29-31%, sondai-aq 60 jastan asqan qart adamdar úlesi - 22-26% boldy»,– deidi Jandarbek Bekshin.
Qarasha aiynda jáne sońǵy aptada KVI juqtyrǵan jerler jiti tekserildi:
– saýda úileri, dúkender, bazarlarda (34%) 20-39 jas aralyǵyndaǵy jastar juqtyrǵan. Olar syrqattardyń 32-36%-yn quraidy;
– otbasy múshelerimen bailanys - 35-36%, qalalyq kólik - 16-18%;
– meditsinalyq uiymdarda bailanys – 6%, sondai-aq shetelden jáne QR óńirlerinen ákelý – 6% jáne jumys, oqý ornynda juqtyrý kórsetkishi - 3%.
Bul faktilerdi monitoring toptary rastady.
