Almaty qalasy men Almaty oblysynyń jeke jáne zańdy tulǵalarynyń elektr energiiasy úshin 9 milliard teńgege jýyq bereshegi bar, dep habarlaidy "Ult aqparat" AlmatyEnergoSbyt» JShS-ǵa silteme jasap.
Vedomstvo málimetinshe, qaryzy bar barlyq tutynýshyǵa elektr energiiasy óshiriletini týraly habarlama jiberildi.
«AlmatyEnergoSbyt» barlyq boryshkerdi elektr qýatynan ajyratqan joq. Kompaniia Almaty qalasy ákiminiń jeke tulǵalarǵa naýryz-sáýir ailarynda tutynylǵan kommýnaldyq qyzmetter boiynsha tólemderin jyl sońyna deiin shegerý týraly bastamasyn qoldady. Osy kómekti alý úshin «AlmatyEnergoSbyt» JShS-ǵa 1542 turǵynan ótinish tústi»,– dep atap ótti JShS-nyń baspasóz qyzmetinen.
Tutynýshylardyń elektr energiiasy boiynsha qaryzy 1 tamyzdaǵy jaǵdai boiynsha 8,767 mlrd teńgeni quraidy.
Sonymen qatar, kompaniia elektr energiiasy úshin debitorlyq bereshegi bar turǵyn úi keshenderi men basqarýshy kompaniialardyń tizimi «AlmatyEnergoSbyt» JShS saitynda ornalastyrylǵanyn atap ótti.
«Al elektr energiiasyna qaryz bolyp qalǵan turǵyndar ózderiniń bereshegin ALSECO kompaniiasynan naqtylai alady. Sonymen qatar qaryzdaryn «AlmatyEnergoSbyt» JShS kez-kelgen filialynda tólei alady», – dep atap ótti kompaniiadan.
