Mamyr aiynyń birinshi juldyzynda Almaty qalasynda «Qazaqstan halqynyń birligi kúni» merekesi toilandy.
Dástúrli shara barysynda Respýblika alanyńda etnomádeni birlestikterdiń shyǵarmashylyq ujymdarynyń, bishiler men ánshileriniń qatysýymen kontsert uiymdastyryldy. Mereke barysynda árbir etnomádeni birlestik óziniń ulttyq mádenietin, dástúrin, kórsetti, túrli kórmeler uiymdastyrylyp, shatyrlar tigildi.
Kórmelerge qoiylǵan ulttyq kostiýmder, qoldanbaly dekorativti qolóner buiymdary, mýzykalyq aspaptar erekshe kóz tartady. Kórermender úshin sheberlik synyptary da uiymdastyrylǵan. Merekeleý aiasynda Almaty qalasynyń turǵyndary men qonaqtaryna etnomádeni birlestikterden, ózbek mádeni ortalyǵynyń palaýy sekildi, túrli ulttyq taǵamdar berildi.
Almaty ákimi Baýyrjan Baibek óziniń quttyqtaý sózinde Memleket basshysynyń syndarly saiasaty arqasynda álemde moiyndalǵan beibitshilik pen kelisimniń modeli jasalǵanyn,onyń negizgi konsolidatsiiasy azamattyq qaǵida ekenin atap ótti. Kezinde Elbasynyń bastamasy boiynsha qurylǵan Qazaqstan halyqtarynyń Assambleiasy «beibitshilik pen kelisimniń shynaiy shyraǵyna» ainaldy.
«Qazaqstan halyqtarynyń Birligi kúni Uly dalanyń kóp ǵasyrlyq dástúrli rýhy – ashyqtyqty, meiirimdi, tolenranttyqty, qonaqjailylyqty pash etedi. Osynaý dástúrler ǵasyrlar boiyna bizdiń megapolistiń qaitalanbas rýhyn qalyptastyrdy, airyqsha sipatqa bóledi. Mine, myń jyldan beri Almaty túrli mádeniettiń, dinniń, tildiń ózara úndesken qasietti mekenine ainaldy. Sondyqtan Almatyny myń boiaýly qala dep tekke aitpasa kerek. Túrli ult pen din ókilderinen quralǵan almatylyqtar búgingi kúni birge ómir súrýde, eńbek etýde jáne ár merekeni birge atap ótýde. Biz osynaý baǵa jetpes bailyqty saqtaýǵa jáne odan ári damytýǵa tiispiz», - dedi Baýyrjan Baibek.
Sondai-aq ol tek ashyq, meiirimdi ári baýyrmal qala ǵana investitsiia, innovatsiia men adami kapital úshin básekelestik ornyqqan zamanaýi jahandyq álemde tabysqa jetetinin atap ótti.
«Qala keńistigine zamanaýi standarttardy engize otyryp, biz Almatyny álemniń úzdik megapolisi, damyǵan týristik ortalyqqa anialdyratyn bolamyz. Ózgergen orta adamdardy da jańǵyrtyp, olardyń dúnietanymyn ashyq jáne meiirimdi etetdi. Bul týraly Prezident «Rýhani Jańǵyrý» baǵdarlamasynda aitty. Bizdiń qalanyń áleýeti óte zor, degenmen Almatynyń basty bailyǵy – qala turǵyndary, olar ár túrli bolǵanymen rýhy jaǵynan ózara jaqyn», - dedi qala basshysy.
Qazaqstan halyqtarynyń Birligi kúni aiasynda merekelik baǵdarlamaǵa 500-den astam ónerpazdar qatysty, olardyń arasynda Roza Rymbaeva, Diana Sharapova, Áli Oqapov, Roman Kim, Luina, Ianis Kaisidi, Adyljan Ýmarov, «Saryn» dýeti, «Dervishi», «MýzArt», «Assyl», «Vox Acapella» toptary, «Vivat», «Rise», «Ivory» shoý- baletteriniń ókilderi jáne kóptegen basqalary bar.
Sonymen qosa, merekelik serýen qaita jańarǵan Panfilov pen Jibek joly kósheleri boiynda da ótti. Osy kóshelerde qala turǵyndary men qonaqtary úshin qazaq estradasy juldyzdary men megapolistiń etnomádeni birlestikteri ujymdarynyń qatysýymen mazmundy mýzykalyq baǵdarlama jáne megapolistiń etnomádeni ókilderi birlestikteriniń ózindik mádenieti men dástúrlerimen tanystyratyn kontsertter daiyndaldy.
