Almaty jurtshylyǵy Astanada úiinde órtenip ketken 5 balany eske alý úshin ortalyqtaǵy saiabaqqa jinaldy, dep habarlaidy QazAqparat tilshisi.
Bul bastamany Feisbýkte kópbalaly analardyń biri, belsendi bloger Aqmaral Basirova kótergen bolatyn.
Qala turǵyndary men qonaqtary 28 Panfilovshylar parkindegi Məńgilik alaý mańyna jinaldy.
Qaiǵyly qaza qabyrǵasyn qaiystyrǵan jurtshylyq únsiz ǵana alaý basyna kelip, gúl shoqtary men oiynshyqtar, shamdar qoia bastady.
Mundai aza tutý sharasy elimizdiń birqatar qalalarynda júrip jatyr.
Eske sala keteiik, 4 aqpan kúni túnde «Kóktal-1» turǵyn úi alabynda jeke úidiń aýlasynda turǵyzylǵan ýaqytsha baspanadan órt shyqty. Órtti sóndirý barysynda 2006, 2008, 2014, 2016, 2018 jyldary týǵan 5 qyz balanyń denesi tabyldy.
Olardyń eń kenjesi nebári 11 ailyq sábi edi. Qaiǵyly oqiǵa kezinde bes balanyń ata-anasy túngi jumysta bolǵan.
Búgin 5 balany elordalyqtar aqtyq saparǵa shyǵaryp saldy.
Sondai-aq, Elbasy órtte qaza bolǵan balalardyń otbasyna kóńil aitty.
