الماتى جۇرتشىلىعى استانادا ٷيٸندە ٶرتەنٸپ كەتكەن 5 بالانى ەسكە الۋ ٷشٸن ورتالىقتاعى ساياباققا جينالدى, دەپ حابارلايدى قازاقپارات تٸلشٸسٸ.
بۇل باستامانى فەيسبۋكتە كٶپبالالى انالاردىڭ بٸرٸ, بەلسەندٸ بلوگەر اقمارال باسيروۆا كٶتەرگەن بولاتىن.
قالا تۇرعىندارى مەن قوناقتارى 28 پانفيلوۆشىلار پاركٸندەگٸ مəڭگٸلٸك الاۋ ماڭىنا جينالدى.
قايعىلى قازا قابىرعاسىن قايىستىرعان جۇرتشىلىق ٷنسٸز عانا الاۋ باسىنا كەلٸپ, گٷل شوقتارى مەن ويىنشىقتار, شامدار قويا باستادى.
مۇنداي ازا تۇتۋ شاراسى ەلٸمٸزدٸڭ بٸرقاتار قالالارىندا جٷرٸپ جاتىر.
ەسكە سالا كەتەيٸك, 4 اقپان كٷنٸ تٷندە «كٶكتال-1» تۇرعىن ٷي الابىندا جەكە ٷيدٸڭ اۋلاسىندا تۇرعىزىلعان ۋاقىتشا باسپانادان ٶرت شىقتى. ٶرتتٸ سٶندٸرۋ بارىسىندا 2006, 2008, 2014, 2016, 2018 جىلدارى تۋعان 5 قىز بالانىڭ دەنەسٸ تابىلدى.
ولاردىڭ ەڭ كەنجەسٸ نەبەرٸ 11 ايلىق سەبي ەدٸ. قايعىلى وقيعا كەزٸندە بەس بالانىڭ اتا-اناسى تٷنگٸ جۇمىستا بولعان.
بٷگٸن 5 بالانى ەلوردالىقتار اقتىق ساپارعا شىعارىپ سالدى.
سونداي-اق, ەلباسى ٶرتتە قازا بولعان بالالاردىڭ وتباسىنا كٶڭٸل ايتتى.
