Búgin Almatyda 1931-1933 jyldarǵy asharshylyq qurbandarynyń eskertkishine gúl shoqtary qoiyldy, atalǵan sharaǵa qoǵam qairatkerleri, repressiia men asharshylyq qurbandarynyń urpaqtary, úkimettik emes uiymdar ókilderi jáne qala jastary qatysty, - dep habarlaidy "Ult aqparat" Almaty ákimdiginiń baspasóz qyzmetine silteme jasap.
Almaty ákimi Baýyrjan Baibek byltyr Memleket basshysynyń tapsyrmasymen qala ortalyǵynda asharshylyq qurbandaryna eskertkish ornatylǵanyn, onda qolyna aryp-ashqan, ólimshi háldegi balasyn ustaǵan ana beinesindegi qazaq halqynyń aýyr taǵdyry beinelegenin atap ótti.
"Tarihtyń sherli únin jetkizgen bul eskertkish - qalamyzdyń kieli nysandar tizimine endi. Bul - Elbasy atap ótkendei, "asharshylyqta qurban bolǵan milliondardyń rýhyna búgingi býynnan taǵzym jáne keler urpaq ata-babalarynyń qandai qasiretterdi bastan ótkergenin bilip júrýine qajet taǵylym", - dedi Baýyrjan Baibek.
Ol sol bir qasiretti jyldary qazaq halqynyń óz eńsesin tik kóterip qana qoimai, qazaq topyraǵyna jer aýdarylǵan ózge ult ókilderin baýyryna tartyp, qamqorlyǵyna alǵanyn atap ótti.
"Al búgin, biz eń qundy bailyǵymyz Táýelsizdigimizdi alyp, sónýge ainalǵan shyraǵymyzdy qaita jaqtyq. Bir shańyraqtyń astynda 100-den astam ulystar uiysqan Qazaqstan – beibitshilik pen birliktiń mekenine ainaldy. Keshegi arystarymyzdyń asyl armany oryndalyp, el tutqasyn ustaǵan Elbasy men eńseli elordasy bar álem tanyǵan qýatty el boldyq", - dep atap ótti Almaty ákimi.
Ol sol bir qasiretti jyldary qazaq halqynyń óz eńsesin tik kóterip qana qoimai, qazaq topyraǵyna jer aýdarylǵan ózge ult ókilderin baýyryna tartyp, qamqorlyǵyna alǵanyn atap ótti. "Al búgin, biz eń qundy bailyǵymyz Táýelsizdigimizdi alyp, sónýge ainalǵan shyraǵymyzdy qaita jaqtyq. Bir shańyraqtyń astynda 100-den astam ulystar uiysqan Qazaqstan – beibitshilik pen birliktiń mekenine ainaldy. Keshegi arystarymyzdyń asyl armany oryndalyp, el tutqasyn ustaǵan Elbasy men eńseli elordasy bar álem tanyǵan qýatty el boldyq", - dep atap ótti Almaty ákimi.
Qalada ótken jyly birqatar kóshelerge ultymyzdyń maqtanyshyna ainalǵan batyrlardyń, aqyndardyń, jazýshylardyń esimderi berildi. Olardyń arasynda Smaǵul Sádýaqasuly, Teljan Shonanuly, Jansha Dosmuhamedov, Talǵat Bigeldinov, Saǵadat Nurmaǵanbetov, Tumanbai Moldaǵaliev, Qadyr Myrzaliev, Ámina Ómirzaqova, Maqash Tátimov, Gerold Belgerler bar.
