Almatyda patsientter dárigerlerge alǵys aitty. Olardyń biri № 4 qalalyq aýrýhananyń juqpaly aýrýlar bóliminde em alǵan Abdýl Arsýnýhaev, dep habarlaidy QazAqparat.
«Men eki apta syrqattanyp, densaýlyǵym túzelmegen soń dáriger kómegine júgindim. 18 aqpanda jansaqtaý bóliminen biraq shyqtym. 4 kún sol jerde em aldym. Jaǵdaiym tym múshkil boldy. Dárigerlerdiń arqasynda qulan taza aiyqtym. Bólimshe meńgerýshisi Timýr Tahirulyna shyn júregimmen alǵysymdy bildiremin. Óitkeni ol men siiaqty syrqattardyń talaiynyń dertine shipa bergen jan. Kúni boiy palatalarǵa kirip, árbir jannyń densaýlyǵyn surap, baqylap júredi. Ómirimde osy ýaqytqa deiin bir de bir ret aýrýhanaǵa jatyp kórmeppin. Barlyq meditsina qyzmetkerlerine rahmet aitamyn», — dedi Abdýl Arsýnýhaev.
Patsient syrqattardyń ómiri úshin dárigerlerdiń qalai jantalasqanyn óz kózimen kórgenin aitty.
«Olardyń eptilikterine súisindim. Árbir syrqatty kútip-baptap, kózderinen tasa etpeidi. Juqpaly aýrý bólimshesiniń árbir qyzmetkerine alǵysymdy bildiremin. Olar — úlken júrekti Adamdar!», — dedi Abdýl Ailamýruly.
