الماتىدا پاتسيەنتتەر دەرٸگەرلەرگە العىس ايتتى. ولاردىڭ بٸرٸ № 4 قالالىق اۋرۋحانانىڭ جۇقپالى اۋرۋلار بٶلٸمٸندە ەم العان ابدۋل ارسۋنۋحاەۆ, دەپ حابارلايدى قازاقپارات.
«مەن ەكٸ اپتا سىرقاتتانىپ, دەنساۋلىعىم تٷزەلمەگەن سوڭ دەرٸگەر كٶمەگٸنە جٷگٸندٸم. 18 اقپاندا جانساقتاۋ بٶلٸمٸنەن بٸراق شىقتىم. 4 كٷن سول جەردە ەم الدىم. جاعدايىم تىم مٷشكٸل بولدى. دەرٸگەرلەردٸڭ ارقاسىندا قۇلان تازا ايىقتىم. بٶلٸمشە مەڭگەرۋشٸسٸ تيمۋر تاحيرۇلىنا شىن جٷرەگٸممەن العىسىمدى بٸلدٸرەمٸن. ٶيتكەنٸ ول مەن سيياقتى سىرقاتتاردىڭ تالايىنىڭ دەرتٸنە شيپا بەرگەن جان. كٷنٸ بويى پالاتالارعا كٸرٸپ, ەربٸر جاننىڭ دەنساۋلىعىن سۇراپ, باقىلاپ جٷرەدٸ. ٶمٸرٸمدە وسى ۋاقىتقا دەيٸن بٸر دە بٸر رەت اۋرۋحاناعا جاتىپ كٶرمەپپٸن. بارلىق مەديتسينا قىزمەتكەرلەرٸنە راحمەت ايتامىن», — دەدٸ ابدۋل ارسۋنۋحاەۆ.
پاتسيەنت سىرقاتتاردىڭ ٶمٸرٸ ٷشٸن دەرٸگەرلەردٸڭ قالاي جانتالاسقانىن ٶز كٶزٸمەن كٶرگەنٸن ايتتى.
«ولاردىڭ ەپتٸلٸكتەرٸنە سٷيسٸندٸم. ەربٸر سىرقاتتى كٷتٸپ-باپتاپ, كٶزدەرٸنەن تاسا ەتپەيدٸ. جۇقپالى اۋرۋ بٶلٸمشەسٸنٸڭ ەربٸر قىزمەتكەرٸنە العىسىمدى بٸلدٸرەمٸن. ولار — ٷلكەن جٷرەكتٸ ادامدار!», — دەدٸ ابدۋل ايلامۋرۇلى.
