- Almatyda ótetin 28-inshi qysqy Ýniversiada oiyndaryna bailanysty, qaladaǵy 218 myń oqýshy kezekten tys demalatyn boldy, dep habarlaidy "Ult aqparat" Bilim jáne ǵylym ministrliginiń baspasóz qyzmetine silteme jasai otyryp.
«Almatyda sanaýly kúnderden keiin Dúniejúzilik qysqy Olimpiada oiyndary bastalady. Ońtústik astana bul jarysqa jan-jaqty daiyndalyp jatyr. Daiyndyq bilim berý salasyn da syrt ainalyp ótpedi. Atap aitsaq, Ýniversiada oiyndaryna bailanysty Almaty qalasynyń oqýshylary úshin 30 qańtar men 8 aqpan aralyǵynda qosymsha demalys beriledi», - dep habarlady Bilim ministrliginiń baspasóz qyzmeti.
Bilim ministrlginiń baspasóz qyzmeti halyqaralyq jarystar kezinde osyndai sharalar ózge elderde de qolǵa alynǵanyn habarlap otyr. Demalysqa shyqqan oqýshylar dúniejúzilik stýdentter jarysyn ózderi baryp tamashalai alady, dedi baspasóz qyzmetiniń mamandary.
«Almaty qalalyq bilim basqarmasynyń habarlaýynsha, bul qosymsha kanikýl Naýryz meiramy kúnderine áser etpeidi. Almatydaǵy oqýshylar Qazaqstannyń basqa oqýshylarymen birdei 24 naýryz ben 1 sáýir aralyǵynda oqýshylar oqýyn jalǵastyryp, 1 sáýirde olarǵa toqsandyq baǵalar qoiylady. 4 sáýirde 4-shi toqsan bastalady», - dep naqtylady derekkóz.
Habarlanyp otyrǵandai, bul ózgeris Almatydaǵy joǵary oqý oryndary men kolledjderdiń sabaqtar kestesine áser etpeidi. Aita keteiik, Almatyda 201 mektep bar, onda 218 myń oqýshy bilim alyp jatyr.
Aita keteiik, bul ózgeris Almatydaǵy joǵary oqý oryndary men kolledjderdiń sabaqtar kestesine áser etpeidi.
