Almatylyq oqýshy qyz Elgiza Qarajanova «Fashion TV» halyqaralyq telearnasynda júrgizýshi bolýǵa shaqyrtý aldy, dep habarlaidy QazAqparat.
12 jastaǵy oqýshy qyz telearnada burynnan tanymal. Ol - «Jara» mýzykalyq shoýynyń turaqty qatysýshysy, «Ǵalamshardyń kishkentai arýy» titýlynyń iegeri.
Málim bolǵandai, Elgiza «Fashion TV» telearnasynda «Novaia Volna» belgili mýzykalyq baiqaýynyń aldaǵy maýsymynyń kúndeligin júrgizetin bolady.
«Elgiza 4 aidan beri «KIDS ART FASHION» baǵdarlamasynda júrgizýshi bolyp tájiribeden ótip keledi. Osyndai mańyzdy jobanyń bir bólshegi bolýǵa shaqyrtý alǵanymyzǵa qatty qýanyshtymyz. Bul óte jaýapty joba. Elgiza daiyndalyp jatyr», - dedi anasy Liýdmila Dorohova.
Túsirilim jumystary 23 tamyzda bastalady. Birinshi baǵdarlama 28 tamyzda «Fashion TV» efirinen shyǵady.
Elgiza Qarajanova sońǵy festivalde belgili ánshi Svetlana Lobodamen qosylyp án aitqan bolatyn. «JaraKIDS» jobasy aiasynda 18 jasqa deiingi eń úzdik oryndaýshy ataǵyn aldy. Munyń aldynda «MýzTV» telearnasynda Iana Rýdkovskaiamen birge «Balalar ondyǵy» telebaǵdarlamasyn júrgizgen.
