Almaty qalasyndaǵy himiia-biologiia baǵytyndaǵy Nazarbaev ziiatkerlik mektebiniń oqýshysy Danial Sultanov Resei Federatsiiasy Ulttyq tehnologiialyq bastamalar (UTB) Úiirme qozǵalysy halyqaralyq olimpiadasynyń jeńimpazy atandy, dep habarlaidy "Ult aqparat".
«Nazarbaev Ziiatkerlik mektepteri» derbes bilim berý uiymy baspasóz qyzmetiniń málimetinshe, «Jasandy intellekt» arnaiy profilinde Danial úzdik sheteldik joba úshin «Halyqtar dostyǵy» nominatsiiasynda birinshi oryn aldy.
Olimpiadany uiymdastyrýshylardyń qatarynda – Úiirme qozǵalysy jáne UTB «Platformasy», Reseidiń Ǵylym jáne joǵary bilim, oqý-aǵartý ministrlikterimen birlesken Strategiialyq bastamalar agenttigi jáne reseilik venchýrlyq kompaniia bar. Jabylý saltanaty men jeńimpazdardy marapattaý Máskeýde ótti, jasandy intellekt salasyndaǵy úzdik oqýshylardy Sberbank prezidenti German Gref quttyqtady.
«Bes jyl buryn AI taqyrybynda sóilegen kezde shól daladaǵy jańǵyryq sekildi estiletin, al búgin AI — bul «elektr», ol qaita órleý, jandaný kezeńinde. Biraq ǵylym, zertteý jáne praktikalyq turǵydan qoldaný birdei shamada kele jatyr. Qymbatty balalar, Sizder durys baǵytta jáne durys jolda kelesizder, durys ýaqytta jáne durys jerde ómir súrýdesizder. Alynǵan tájiribe paidaly bolaryna senimdimin», - dedi German Gref.
Álemdegi eń bedeldi olimpiadalardyń birinde bes myńnan astam oqýshy kezdesti, baiqaýlar jasandy intellekt pen sý asty robot tehnikasynan bastap genomdy óńdeý men VR tehnologiiasyna deiin 28 tehnologiialyq beiinde ótkizildi.
«Aqparattyq qaýipsizdik», «Jasandy intellekt», «Biznes protsesterdi avtomattandyrý» eń tanymal IT profilder qatarynda boldy. Biyl olimpiada jańa rekord ornatty – barlyq trekter boiynsha Reseidiń 85 óńiri men shetelderden 110 000-nan astam bala qatysýǵa ótinim berdi.
«Finalda qatysýshylar tek tehnologiialyq tapsyrmalardy ǵana sheship qoiǵan joq – oqýshylar aldynda jasandy intellekt, robot tehnikasy, ǵarysh indýstriiasy salasyndaǵy jetekshi kompaniialarda jumys isteitin mamandar ainalysatyn jańa syn- qaterler turdy. Joǵary synyp oqýshylary eresek áriptesteriniń oilarynan asyp túsetin qyzyqty sheshimderdi usyna bildi», – deidi UTB «Jas mamandar» baǵyty direktorynyń orynbasary Iýliia Hanjina.
2021 jyly finalister eń kóp suranysqa ie tehnologiialarǵa qatysty máselelerdi sheshti: jasandy intellekt, mashinalyq oqytý, kompiýterlik kórý, virtýaldy jáne keńeitilgen shyndyq, genomdyq óńdeý.
Bólingen formattaǵy injenerlik tapsyrmamen jumys isteý úshin 2020 jyly finalda synalǵan birqatar tehnologiia qoldanyldy: mamandandyrylǵan baǵdarlamalyq jasaqtama, simýliator, komandalyq jumys úshin jeke beine jáne daýys arnasy, synaq alańdarynan transliatsiia. Qorytyndy saiysqa júzden astam oqýshy qatysty, olardyń aldynda aqyl-oidy eskeretin algoritm qurý mindeti turdy. Sońǵy synaq úshin qatysýshylarǵa Kristofaridiń sýperkompiýteri usynyldy.
«Jasandy intellekt jai ǵana bizdiń bolashaǵymyz emes, ol búginniń ózinde engizilip jatyr. Sondyqtan biz trendte bolýǵa jáne oqýǵa, izdeýge, synap kórýge tiispiz, olimpiada bul turǵyda men úshin jaqsy mektepke ainaldy», - dedi Danial marapattaý rásiminen keiin.
