Meditsinalyq saqtandyrý qory tarapynan koronavirýs pen pnevmoniiaǵa qarsy kúreske 159 mlrd teńgeden astam qarjy qarastyrylǵan. Almaty boiynsha bul baǵytta 22,7 mlrd teńge bólindi, dep habarlaidy "Ult aqparat".
«Meditsinalyq saqtandyrý qory» AQ Almaty qalalyq filialynyń aqparatyna sáikes, Qazaqstanda koronavirýs pen virýsty pnevmoniiaǵa shaldyqqan azamattarǵa meditsinalyq kómek saqtandyrylǵan ne saqtandyrylmaǵanyna qaramastan kórsetiledi. Sondai-aq, COVID-19 juqtyrǵan jáne indet belgileri tabylǵan patsientterge mobildi brigadalar men úi jaǵdaiyndaǵy statsionar qyzmeti qarastyrylǵan.
«Almatyda naýryz ben qazan ailary aralyǵynda koronavirýs indeti boiynsha kórsetilgen meditsinalyq kómekke 5,7 mlrd teńge bólindi. Onyń 1,3 mlrd teńgesi PTR-testke jumsalǵan», - dedi filial direktory Tileýhan Ábildaev.
Sondai-aq, naýryz ben qazan ailary aralyǵynda epidemiiaǵa qarsy is-sharalarǵa jumyldyrylǵan meditsina uiymdary qyzmetkerlerine Almaty qalasy boiynsha 13,8 mlrd teńge qarastyrylǵan. Onyń ishinde:
1-qaýip tobyna - 6 mlrd 455,9 mln teńge (11 373 adam), 1 qyzmetkerge orta eseppen aiyna – 567 650 teńge;
2-topqa – 5 mlrd 533,6 mln teńge (17 972 dam), 1 qyzmetkerge orta eseppen aiyna – 307 903 teńge;
3-topqa – 1 mlrd 866,5 mln teńge (12 433 adam), 1 qyzmetkerge orta eseppen aiyna – 150 122 teńge.
Búgingi tańda Almaty filialy boiynsha qosymsha tólemder tolyq tólengen.
