Biylǵy jyldyń 11 aiynda almatylyq klinikalar halyqqa 7,5 mlrd teńgege KT/MRT syndy konsýltativtik-diagnostikalyq kómek túrlerin kórsetti. Bul týraly onlain brifing barysynda «Áleýmettik meditsinalyq saqtandyrý qory» KEAQ Almaty filialy direktory Tileýhan Ábildaev aitty, dep habarlaidy QazAqparat.
Onyń aitýynsha, qor Almaty turǵyndaryna saqtandyrý paketi sheńberinde kórsetilgen qyzmetterge 43,6 mlrd teńge tóledi. Halyqqa kórsetilgen qyzmet aqysy onyń sapasy men kólemi tolyq tekserilgennen keiin aýdarylady. Shyn máninde kórsetilgen, emdeýge qoiylatyn talaptar men hattama tártibi saqtalǵan qyzmetter úshin ǵana aqy tólenedi.
«Máselen, MÁMS iske qosylǵaly beri buryn azamattar qaltasynan tólep kelgen baǵasy qymbat qyzmetter qoljetimdi bola bastady. Ótken 11 aida saqtandyrý paketi sheńberinde kórsetilgen KT/MRT, PTR syndy taǵy basqa qyzmetter sany 2019 jylmen salystyrǵanda 3 ese artty. 11 aida Almaty qalasy boiynsha kórsetilgen konsýltativtik-diagnostikalyq qyzmetterge 7,5 mlrd teńgeden astam qarjy tólendi», - dedi filial basshysy.
Shyǵynnyń basym bóligi – 23 mlrd teńgeden astamy statsionarlyq meditsinalyq kómekke tiesili. Taǵy 6,8 mlrd teńge joǵary tehnologiialardyń kómegimen jasalatyn meditsinalyq qyzmetterge, 2,6 mlrd teńge statsionardy almastyratyn kómekke, 305,7 mln teńge profilaktikalyq tekserýlerge jumsalǵan.
«Sonymen qatar, biyl reabilitatsiialyuq qyzmet túrlerin kórsetetin klinikalar sany 69-ǵa jetti. Iaǵni, MÁMS júiesi buryn jekelegen sanattarǵa ǵana tegin kórsetilip, kóbine azamattardyń qaltasynan tólenip kelgen meditsinalyq qyzmetterdi qoljetimdi etti», - dep qorytty Tileýhan Ábildaev.
