Almatylyq turǵyn qalalyq kardiologiialyq ortalyq mamandaryna jii entigip, aýa jetpei qalatynyn aityp shaǵymdandy, dep habarlaidy "Ult aqparat".
Densaýlyǵyna shaǵymdanǵan áieldi dárigerler dereý ehokardiografiiadan ótkizdi, nátijesinde miksoma - júrek isigi anyqtaldy. Iaǵni sol jaq atriým júreginiń qaterli isigi. Isik mitraldy qaqpaqshany jaýyp qalýǵa az qalǵan.
«Isikti operatsiialyq jolmen shuǵyl alyp tastaý kerek boldy, áitpese isik mitraldy qaqpaqshany jaýyp tastar edi. Bul ólimge ákeledi», - dedi Almaty qalalyq kardiologiia ortalyǵynyń bas dárigeri Almat Qodasbaev.
Operatsiia jasandy jolmen qan ainalýdy retteý arqyly júrekti 20 minýt toqtatyp qoiyp jasaldy. Dárigerler osy ýaqyt ishinde isikti alyp tastady. Jalpy, ota 2 saǵatqa sozyldy.
Búgingi kúni naýqastyń ómirine qaýip tónip turǵan joq. Jaǵdaiy turaqty, ony aýrýhanadan úiine shyǵarýǵa daiyndap jatyr.
