Foto: Polisia.kz
Politseiler Almaty oblysynyń Kaztsik aýylynda sintetikalyq esirtki óndiretin iri zerthanany joidy, – dep habarlaidy "Ult aqparat" Polisia.kz portalyna silteme jasap.
Esirtki óndirisin Almatydan kelgen otbasylyq jup uiymdastyrǵan. Bul úshin olar úi satyp alyp, onyń janyna zerthanaǵa arnaiy jabdyqtalǵan úi-jai salǵan.
Zerthana tyiym salynǵan zattardyń sintezi úshin tolyq daiyndalǵan: himiialyq reaktsiialarǵa arnalǵan agregattar, óndiristik sirindi jáne alynǵan esirtkini keptirý córeleri ornatylǵan, qabyrǵalar jylýoqshaýlaý materialdarymen qaptalǵan.
"Otbasylyq juptyń qylmystyq áreketteriniń dáleldemeleri retinde politseilermen eki zerthanalyq reaktor, 100 kg sintezdelgen esirtkilik untaq tárizdes zat jáne esirtkini óndirýge arnalǵan 800 litrden astam prekýrsor tárkilendi.
Osylaisha bul jaǵdaida qazaqstandyq qalalardyń kóshelerine baǵasy 7 mlrd teńge bolatyn, qatty áser etetin sintetikalyq esirtkiniń 550 myńǵa jýyq dozasy jiberilmedi.
Top quramynda asa iri kólemde esirtki óndirgeni úshin ustalǵandarǵa múlkin tárkilei otyryp, 10 jyldan 15 jylǵa deiin bas bostandyǵynan aiyrý jazasy tónip tur", – dedi QR IIM esirtki qylmysyna qarsy is-qimyl departamenti bastyǵynyń orynbasary Baqytjan Ámirhanov.
Aita ketý kerek, 2023 jyldyń jeltoqsan aiynan IIM-niń bastamasymen sintetikalyq esirtkini óndirý úshin qoldanylatyn qural-jabdyqtyń ainalymyna qylmystyq jaýapkershilik engizildi. Bul úshin 3 jyldan 15 jylǵa deiin bas bostandyǵynan aiyrý jazasy qarastyrylady.
