Dimash Dáýletov "Golos Ýkrainy" shoýynyń 12-maýsymyna qatysty, - dep habarlaidy Tengrinews.kz.
Ol baiqaýdyń 4-shyǵarylymynda Whitney Houston-nyń "I Have Nothing" ánin oryndap, tálimgerlerdi tánti etti.
27 jastaǵy jigittiń aitýynsha, bala kezinen beri án aitady. Alaida ata-anasynyń aitýymen kolledjge ekskavator men býldozer júrgizýshisi mamandyǵyna oqýǵa túsken. Tórt jyl Rýdnyi qalasyndaǵy Sokolov-Sarybai ken-baiytý óndiristik birlestiginde ekskavatorshy bolyp jumys istegen.
"Bul sahnany kópten armandadym. Daýysym dirildep turdy. Qatty ýaiymdadym, óitkeni búkil Qazaqstan kóredi. Olia Poliakova burylǵannan keiin senimdi aita bastadym. Sahnaǵa shyqpas buryn suhbat berip: "tórt tálimger burylsa, olardyń rektsiiasyna qarap, kimge baratynymdy tańdaimyn" dep edim. Solai boldy", - dedi Dimash.
Bolashaǵy bar ánshige tórt tálimger de buryldy. Sóitip, Dimash úshin naǵyz kúres bastaldy. Tálimgerlerdiń árqaisysy jas jigittiń ózin tańdaǵanyn qalady. Biraq ol Olia Poliakovanyń komandasyna barǵysy keldi.
"Meni qatty qýanttyń. Raqmet! Senimen birge jumys isteý - qýanysh ári qurmet. Sen - qazir de daiyn ártissiń. Óte daryndy ártis. Azdap baǵyttap jiberý kerek. Qolymnan kelgenniń bárin jasaimyn", - dedi Olia.
