Almatylyq dárigerler ókpesiniń 96 paiyzy zaqymdanǵan zeinetkerdi qutqaryp qaldy.
Naýqas koronavirýs juqtyryp, aýyr jaǵdaida ekijaqty pnevmoniiamen aýrýhanaǵa túsken. Bul týraly qalalyq ortalyq aýrýhananyń baspasóz qyzmeti málim etti, dep habarlaidy "Ult aqparat".
Vedomstvo málimetinshe, 67 jastaǵy áiel Almatynyń Ortalyq qalalyq klinikalyq aýrýhanasyna 22 naýryz kúni aýyr halde túsken. KT tekserý kezinde ókpeniń ekijaqty polisegmenttik zaqymdanýyn kórsetti. Sonymen qatar, ókpeniń 96 paiyzy qabynǵany anyqtaldy.
Naýqas dereý jansaqtaý bólimine jatqyzyldy. Aýrýhana reanimatologtary segiz kún degen de ony aýyr jaǵdaidan alyp shyqty.
Emdeý kezinde mamandar ottegimen qamtamasyz etilgen meditsinalyq quraldardy qoldandy. Tek dárigerlerdiń kásibi áreketteriniń arqasynda áieldiń beti beri qarady.
«Emdeý sharalary sozylmaly ózge de aýrýlar bolǵandyqtan qiyn boldy. Naýqasta arteriialyq gipertoniia, júrek-qan tamyrlary jetkiliksizdigi, ishemiialyq kardiomiopatiia bolǵan. Búgin naýqas aýrýhanadan tolyq jazylyp úiine shyqty. Qazir densaýlyq jaǵdai jaqsy. Endi ambýlatoriialyq jaǵdaida jergilikti dárigerdiń baqylaýynda bolady, qajet bolǵan jaǵdaida ol ońaltý kýrsynan ótedi», - deidi emdeýshi dáriger Ihtiiar Baijanov.
Almatylyq áiel dárigerlerge alǵys aitty.
«Bar qiyndyq artta qaldy. Men dárigerlerge, medbikelerge jáne sanitar qyzmetkerlerge óte rizamyn. Olar meni aman alyp qaldy. Maǵan ekinshi ómir syilaǵandary úshin úlken raqmet», - dedi ol.
