الماتىلىق دەرٸگەرلەر ٶكپەسٸنٸڭ 96 پايىزى زاقىمدانعان زەينەتكەردٸ قۇتقارىپ قالدى.
ناۋقاس كوروناۆيرۋس جۇقتىرىپ, اۋىر جاعدايدا ەكٸجاقتى پنەۆمونييامەن اۋرۋحاناعا تٷسكەن. بۇل تۋرالى قالالىق ورتالىق اۋرۋحانانىڭ باسپاسٶز قىزمەتٸ مەلٸم ەتتٸ, دەپ حابارلايدى "ۇلت اقپارات".
ۆەدومستۆو مەلٸمەتٸنشە, 67 جاستاعى ەيەل الماتىنىڭ ورتالىق قالالىق كلينيكالىق اۋرۋحاناسىنا 22 ناۋرىز كٷنٸ اۋىر حالدە تٷسكەن. كت تەكسەرۋ كەزٸندە ٶكپەنٸڭ ەكٸجاقتى پوليسەگمەنتتٸك زاقىمدانۋىن كٶرسەتتٸ. سونىمەن قاتار, ٶكپەنٸڭ 96 پايىزى قابىنعانى انىقتالدى.
ناۋقاس دەرەۋ جانساقتاۋ بٶلٸمٸنە جاتقىزىلدى. اۋرۋحانا رەانيماتولوگتارى سەگٸز كٷن دەگەن دە ونى اۋىر جاعدايدان الىپ شىقتى.
ەمدەۋ كەزٸندە ماماندار وتتەگٸمەن قامتاماسىز ەتٸلگەن مەديتسينالىق قۇرالداردى قولداندى. تەك دەرٸگەرلەردٸڭ كەسٸبي ەرەكەتتەرٸنٸڭ ارقاسىندا ەيەلدٸڭ بەتٸ بەرٸ قارادى.
«ەمدەۋ شارالارى سوزىلمالى ٶزگە دە اۋرۋلار بولعاندىقتان قيىن بولدى. ناۋقاستا ارتەرييالىق گيپەرتونييا, جٷرەك-قان تامىرلارى جەتكٸلٸكسٸزدٸگٸ, يشەمييالىق كارديوميوپاتييا بولعان. بٷگٸن ناۋقاس اۋرۋحانادان تولىق جازىلىپ ٷيٸنە شىقتى. قازٸر دەنساۋلىق جاعداي جاقسى. ەندٸ امبۋلاتورييالىق جاعدايدا جەرگٸلٸكتٸ دەرٸگەردٸڭ باقىلاۋىندا بولادى, قاجەت بولعان جاعدايدا ول وڭالتۋ كۋرسىنان ٶتەدٸ», - دەيدٸ ەمدەۋشٸ دەرٸگەر يحتييار بايجانوۆ.
الماتىلىق ەيەل دەرٸگەرلەرگە العىس ايتتى.
«بار قيىندىق ارتتا قالدى. مەن دەرٸگەرلەرگە, مەدبيكەلەرگە جەنە سانيتار قىزمەتكەرلەرگە ٶتە ريزامىن. ولار مەنٸ امان الىپ قالدى. ماعان ەكٸنشٸ ٶمٸر سىيلاعاندارى ٷشٸن ٷلكەن راقمەت», - دەدٸ ول.
