Almatylyq dárgerler Qyzylordadan kelgen 34 jastaǵy er adamnyń aiaǵyna kúrdeli operatsiia jasady. Biregei ota mindetti áleýmettik meditsinalyq saqtandyrý paketi sheńberinde jasaldy, dep habarlaidy QazAqparat.
Ortalyq klinikalyq aýrýhananyń baspasóz qyzmetiniń málimetinshe, operatsiia nátijesinde patsienttiń sol aiaǵy 5 santimetrge uzartylyp, aiaqtary teńesti.
Dárigerler patsientke «Jambas súieginiń týabitti kemistigi. 3-tiptegi CROWE» diagnozyn qoiǵan.
Ortoped mamannyń aitýynsha, jigittiń oń aiaǵy sol aiaǵynan 6 sm uzyn bolǵan.
Sondyqtan ol bala kúninen baldaqqa súienip júrgen.
«Biz endoprotezdiń kómegimen sol jaq jambas súiegin tolyq aýystyryp, sol jaq jambasty anatomiialyq jaǵynan uzarttyq», - deidi klinikanyń ortopediia bólimi meńgerýshisi Qanat Táýekelov.
Dárigerdiń sózine súiensek, jambas býynyn endoprotezdeý kezinde jambastyń basy, moiny men urshyq tolyǵymen jasandy protezge aýystyrylady.
«Mundai jaǵdaida jambas súieginiń osteotomiiasy dep atalatyn tásil jaqsy nátije beredi. Ol aiaqtaǵy aqaýdy túzetip qana qoimai, aiaqtyń qyzmetin de aitarlyqtai qalpyna keltirýge kómektesedi. Operatsiia 2,5 saǵatqa sozyldy», - dedi dáriger.
Aita keteiik, operatsiia áleýmettik meditsinalyq saqtandyrý paketi sheńberinde jasaldy.
«MÁMS paketi arqyly osyndai kúrdeli operatsiialardy jasatýǵa bolady. Saqtandyrylǵan turǵyndar baǵasy qymbat bolyp keletin, joǵary tehnologiialardyń kómegimen jasalatyn qyzmet túrlerin qajetinshe paidalana alady», - deidi MSQ Almaty filialy direktory Tileýhan Ábildaev.
