Koronovirýs eresekterge qaraǵanda balalarda jeńil ótedi. Bul týraly dáriger-terapevt Maiia Shegebaeva aitty, dep habarlaidy QazAqparat.
«Syrqattanǵanda balalarda sharshaý, álsizdik, bas aýrýy, tumaý ispettes, dene qyzýynyń kóterilýi, asqa tábeti bolmaýy, deneniń ish bóliginiń aýrýy baiqalady. Sonda da, balalar eresekterge qaraǵanda juqpaly virýstan jeńil ótedi»,-dedi maman.
Maiia Shegebaevanyń aitýynsha, balalardyń ókpesi koronovirýstan zaqymdanǵan faktiler bolǵan emes. « COVID-19 balalardyń joǵary tynys alý joldaryn (muryn, aýyz qýysy, tamaq) zaqymdaidy. Sol sebepti sýyq tigen tárizdi aýyrady (dene qyzýynyń kóterilýi, muryn bitelýi, tamaqtyń aýrýy nemese ashýy). Pnevmoniiamen aýyrǵan balalar bolǵan joq. Iaǵni, úlkenderge tóngen qaýip balalarǵa tónbeidi», - dedi Maiia Shegebaeva.
Alaida, syrqattan keiingi sindrom balalarda da bolady. Sol sebepti ýchaskelik dárigerge qaralǵan jón. Óitkeni, keide koronavirýstan keiingi sindrom balalardy uiqysyzdyqqa, býyndardyń aýyrýyna, asqazan dertine ákep soǵýy múmkin. Sondai-aq, júrek tusy aýyrady. Dáriger- terapevtiń aitýynsha, eger bala densaýlyǵynda koronovirýstan keiin osyndai áserler paida bolǵan jaǵdaida aýrýhanaǵa jiberiledi. Sonymen qatar, qalalyq jáne respýblikalyq balalar shipajaiy bar. Balalar sol jerde beiimdeýden ótedi.
«Beiimdelý úshin qimyl- qozǵalys tártibin saqtaý kerek, durys tamaqtanyp, massaj alý qajet. Bala tynys alý jattyǵýlaryn jasaýy, emdik dene shynyqtyrý, jeke psihoterapiia, fizioterapiia, mediksientozalyq terapiia, fitoteoapiia alýy tiis. Beiimdeý kýrsy 14 kúnge sozylady. Sondai-aq, JRJV-dan keiin de balalardy osyndai beiimdeý ortalyǵyna jiberemiz. Bronhialdy astma, nevrologiialyq, gastroentorologiialyq jáne kardiologiialyq patologiiasy bar balalar da beiimdeý ortalyǵynda em alady»,-dedi Maiia Shegebaeva.
Terapevtiń aitýynsha, eń bastysy balalardy aýrýdyń aldyn alýǵa tárbieleý kerek.
«Balabaqsha, mektepke barǵanda, úige kelgende únemi qoldy jýýǵa úiretý, dezinfektsiialyq suiyqtyq pen sýly mailyqtardy qoldanýǵa daǵdylandyrý. Qandai ortada bolsyn tazalyq saqtaýǵa úiretýimiz qajet»,-dedi maman. Qazirgi ýaqytta balalarǵa quramy bai dárýmender berý kerek. Ásirese, A, V dárýmenderi paidaly.
