Almaty qalasy balalar klinikalyq juqpaly aýrýlar aýrýhanasy bas dárigeriniń orynbasary Ainur Ýálieva onlain brifing barysynda balalardy virýstan saqtaý úshin qaýipsizdik sharalaryn ustaný qajettigin aitty, dep habarlaidy QazAqparat.
Brifing barysynda dáriger 5 jasqa deiingi balany kópshilik jerge aparǵanda qandai maska túrin taqqan durys degen saýalǵa jaýap berdi.
«Eger bes jasqa deiingi balany adamdar kóp jinalǵan jerge aparatyn jaǵdai bolsa olarǵa meditsinalyq maska taǵýdy usynamyz. Degenmen ony ár 2-3 saǵat saiyn aýystyryp otyrý kerek. Dúkendi jaýlap alǵan matadan jasalǵan maskany taǵýǵa ne úshin keńes bermeimiz degenge kelsek olardy birneshe ret qoldanady. Olar kóp rettik bolyp sanalady, uzaq ýaqyt taqqandyqtan olar dymqyldanady jáne oǵan mikroflora jinalady. Sonyń saldarynan basqa da bakteriialyq infektsiiamen aýyryp qalýy múmkin. Sol úshin balaǵa bir rettik meditsinalyq maska taǵýǵa keńes beremiz«, - dedi Ainur Ýálieva.
Sonymen qatar ol sońǵy kezderi qoldanylypy júrgen dákeden jasalǵan maskalarǵa qatysty oiyn aitty.
«Bul maskamen demalǵan rasymen jeńil. Degenmen ol da ylǵaldanady jáne virýstan qorǵamaidy», - dedi spiker.
Dáriger balalardy adamdar kóp jinalatyn jerlerge jibermeýge keńes berdi.
