Qyrǵyzstannyń Tian-Shan taýlarynda joǵalyp ketken alpinisterdi izdeý toqtatyldy. Bul týraly QR Qorǵanys ministrligi aqparat jáne kommýnikatsiialar departamentiniń basshysy Daniiar Aijanov aitty, dep habarlaidy "Ult aqparat".
«Joǵalyp ketken alpinisterdi izdeýge shyqqan áskeri alpinister qaityp keldi. Buǵan deiin Aq-Sai Trevel kompaniiasy bolǵan apattyń hronikasyn aityp, alpinisterdi tiri tabýǵa múmkindik joq ekenin aitqan edi», - dedi Daniiar Aijanov atalǵan máselege qatysty ótken baspasóz máslihatynda.
Eske salsaq, Almatylyq Murat Ótepbaev, Andrei Korneev jáne kóz jumǵan Aleksandr Chechýlin Qyrǵyzstandaǵy «Jeńis» shyńynda qarly borannyń astynda qalǵan.
Almaty qalasynyń ákimi Baqytjan Saǵyntaev taýda qazaqstandyq alpinister tobynyń joǵalyp ketýine qatysty Instagram paraqshasynda alańdaýshylyq bildirdi.
Keiinirek joǵalǵan alpinisterdiń biriniń qyzy áleýmettik jeli arqyly qalyń kópshilikten kómek surady.
Sondai-aq, QR Qorǵanys ministrligi alpinisterdi qutqarý operatsiiasyn bastady.
QR Qarýly Kúshteriniń áskeri qyzmetshisi, kapitan Maqsut Jumaev Qyrǵyzstan taýlarynda joǵalǵan qazaqstandyq alpinisterdi izdestirý jumystary týraly aitqan bolatyn.
Aýa raiynyń qolasyzdyǵy almatylyq alpinisterdi izdeýge kedergi keltirdi.
