Almatylyq alaiaq joq shamdardy satyp 25 mln teńge tapqan, dep habarlaidy "Ult aqparat".
Politsiia departamentiniń málimetinshe, er adam Polsha shamdaryn satatynyn aityp, jarnama jasaǵan.
Tutynýshylardan aldyn ala aqsha alyp, óziniń qyzmeti úshin de aqy suraǵan.
«Jergilikti turǵyn politsiiaǵa liýstrany da, aqshany da ala almaitynyn túsingen kezde júgingen. Kóterme satýshy alaiaqqa 25 million 740 myń teńge tólegen. Kúdikti 64 jastaǵy P. esimdi er adam óziniń jasaǵan isin moiyndady. Qazirgi ýaqytta qylmystyq is QR QK-niń 190-baby 4-bólimi boiynsha tergelýde. Tergeýshiler kúdiktiniń basqa da osyǵan uqsas qylmystarǵa qatystylyǵyn anyqtaýda», – dedi Áýezov aýdandyq politsiia basqarmasynyń bastyǵy Ulan Ábilhaiyr.
Ustalǵan azamat ýaqytsha ustaý izoliatoryna qamaldy.
«Kúdiktini tanyǵan nemese onyń áreketinen zardap shekkenderdiń barlyǵyn myna telefon nómirleri arqyly habarlasýǵa shaqyramyz: 8-747-369-32-32; 298-53-00 jáne 298-53-05. Biz taǵy da azamattardy kez kelgen taýarǵa nemese qyzmetke ýáde beretin beitanys adamdarǵa senbeýge, belgisiz abonentterge aqsha aýdarmaýǵa, qyzmet aqysyn tekserýsiz tólemeýge shaqyramyz», – dedi spiker.
