Almatyda karantin kezeńinde 75 myń shaǵyn jáne orta biznes sýbektisi 23,5 mlrd teńgege salyq jeńildikterin paidalandy, dep habarlaidy "Ult aqparat".
Karantin jáne koronavirýstyq epidemiologiialyq jaǵdaidyń órshýi kezinde birqatar kásipkerler qiyndyqqa ushyrap, shyǵynǵa batty. Osyǵan bailanysty, Almatyda pandemiia kezinde shaǵyn jáne orta bizneske qoldaý kórsetý sharalary qabyldandy - salyq, jaldaý aqysy men nesielik tólemder keiinge qaldyrý, qarjylyq qoldaý kórsetý, paiyzdyq mólsherleme tómendetý jáne óndiris alańdary berý syndy sharalar áli de jalǵasýda.
Barlyǵy 74,769 shaǵyn jáne orta biznes sýbektileri 23,5 mlrd.teńge mólsherindegi salyqtyq jeńildikterdi paidalanǵan, onyń ishinde:
- eńbekaqy qorynan alynatyn salyq boiynsha - 14 myń teńgege 24 myń sýbekt (6 aida - 21,6 myń shaǵyn jáne orta kásipkerlik (ShOB), 3 aida - 2,4 myń iri kásipkerlik sýbektileri);
- jeke tabys salyǵy men áleýmettik salyq boiynsha - 8 mlrd teńgege 50 myń ShOB (3 jylǵa mikro jáne shaǵyn biznes);
- múlik salyǵy - 769 sýbekt (692 - ShOB, 77 - iri kásipkerlik) 1,5 mlrd teńge.
Nesieler boiynsha keiinge qaldyrýlar 127,3 mlrd teńgege 360 myń nesiege berildi, onyń ishinde ShOB - 7294 teńgege 2 889 nesiege:
- 16 naýryz ben 15 maýsym aralyǵynda - 408 mlrd teńgege 1 588;
-16 maýsym men 24 tamyz aralyǵynda - 321 teńge somasyna 1301.
Úi-jailardy jalǵa alý tóleminen bosatý 1,6 myń kásipkerge 376 mln teńge somasyna berildi.
«Bir ortalyq» qaǵidaty negizinde keń aýqymdy konsýltatsiialyq qyzmetter kórsetetin Qoldaý kásipkerlik ortalyǵy jumysyn jalǵastyrýda. Barlyǵy 2019 jyldyń qyrkúieginen bastap 2021 jyldyń aqpanyna deiin myna qyzmetter tegin usynyldy:
- 100 myńnan astam keńes berý qyzmeti;
- quny 42 milliard teńgeden asatyn 75 biznes-jobany qarjylandyrýǵa qoldaý kórsetildi;
- 500-ge jýyq biznes-jospar quryldy;
- 606 ruqsat alý qujattaryn alýǵa qoldaý kórsetildi.
8 myńnan astam stýdent kásipkerlik negizderine jáne Qoldaý start jáne Qoldaý júielik baǵdarlamalary boiynsha salalyq kýrstarǵa oqytyldy.
Qarjylyq emes qoldaý sheńberinde almatylyq kásipkerlerdi, ózin-ózi jumyspen qamtyǵan azamattardy jáne óz isterimen ainalysýdy josparlap otyrǵan jastardy aqparattyq qoldaý úshin qurylǵan «Almaty Business» tegin bilim berý platformasy ázirlendi jáne iske qosyldy. Bul platformada 110 myńnan astam adam tirkelgen.
2021 jyly 4 baǵyt boiynsha qosymsha sharalar kesheni qalyptasty: bizneske júktemeni azaitý, qarjylandyrýǵa, suranysqa ie naryqtarǵa jáne joǵary sapaly adam resýrstaryna qol jetimdilikti keńeitý. Memlekettik qoldaý sharalary aiasynda «Eńbek» baǵdarlamasy sheńberinde kásipkerler jyldyq 6% -ben 22 mln teńgege deiin jeńildetilgen nesie ala alady.
«Almaty Business» óńirlik baǵdarlamasyna sáikes, Almatyda tirkelgen jáne jumys isteitin shaǵyn jáne orta biznes kásipkerleri jyldyq nominaldy syiaqy mólsherlemesimen nesie ala alady.
Sonymen qatar, «Almaty Business-2025» keshendi baǵdarlamasy sheńberindegi daǵdarysqa qarsy sharalar sheńberinde syiaqy mólsherlemesi jyldyq 7% -dan 6% -ǵa deiin tómendetildi, eń joǵarǵy soma 300 mln teńgeden 500 mln teńgege deiin ulǵaityldy.
