Almaty turǵyny 11 jyldan keiin azamattyǵyn rastap, qujattaryn aldy, dep habarlaidy QazAqparat.
Almaty qalalyq PD kóshi-qon qyzmetiniń qyzmetkerleri qujatsyz, tirkeýsiz jáne azamattyǵy joq adamdardy anyqtaý jumystaryn júrgizýde.
«Qujattardyń bolmaýyna bailanysty adamdarda densaýlyq saqtaý, bilim alý, qajetti járdemaqy men zeinetaqy alý múmkindigi shekteýli, sonymen qatar, resmi túrde jumysqa ornalasý múmkindigi joq. Mundai adamdardy anyqtaý belgili bir qiyndyq týǵyzady, óitkeni Qazaqstan azamattyǵyna jatatynyn anyqtaý jáne odan ári jeke kýálikke tirkelý kelýdi jáne birshama ýaqytty talap etedi. Jeke kýálik alǵan azamattar Qazaqstan Respýblikasynyń azamattyǵyn rastaǵannan keiin QR azamatynyń jeke basyn kýálandyratyn qujattary rásimdeledi», – dedi Almaty qalalyq PD Kóshi-qon qyzmeti basqarmasynyń bastyǵy Ashat Býtýnchinov.
Mysaly, 1967 jyly týǵan Aleksei Nizamov QR azamatynyń jeke kýáligin berýge ruqsat beretin qujattardy 11 jyldan keiin aldy.
«Aleksei Nizamov Almaty qalasynyń týmasy. Ol - 2011 jyly Resei Federatsiiasyna ketken. Ol jergilikti tirkeýden shyǵaryldy, biraq belgili bir sebeptermen kórshi memleketke tirkelip, Resei Federatsiiasy azamatynyń tólqujatyn ala almaǵan. Sodan elge qaityp kelgen. Qaitadan tirkeýge tura almady, óitkeni birde-bir bazada bolmady. SIM Konsýldyq qyzmetiniń kómegimen Nizamov azamat saýaldaryna jaýap aldy. Ol Qazaqstan azamaty retinde qujattaldy», – dep túiindedi spiker.
