Foto: Almaty ákimdigi
2025 jyldyń alǵashqy jarty jylynda Almaty qalasyna 1,14 millionnan astam týrist keldi. Bul ótken jyldyń sáikes kezeńimen salystyrǵanda 6,5%-ǵa artyq. Bul týraly Almaty qalasy Týrizm basqarmasy habarlady.
Týristerdiń ishinde 323,5 myń sheteldik jáne 816,5 myń otandyq saiahatshy bar.
Ásirese Qytaidan keletin týrister sany aitarlyqtai ósken. Biylǵy 6 aida Almatyǵa 54,1 myń qytailyq azamat kelip, bul kórsetkish ótken jylmen salystyrǵanda 33,4%-ǵa artqan. Qytai týristeri san jaǵynan Úndistannan keiingi ekinshi orynda. Úzdik bestikte sondai-aq Túrkiia, Ońtústik Koreia, AQSh, BAÁ jáne Germaniia azamattary bar.
Aita keteiik, týrister aǵynynyń artýyna qalanyń týristik infraqurylymyn damytý jáne zamanaýi servisterdi engizý baǵytyndaǵy belsendi jumys yqpal etken.
