Almatydaǵy koronavirýs juqtyrǵandardy emdeý úshin Túrkiiadan dáriger shaqyrtylyp jatyr. Bul týraly qala ákimi Baqytjan Saǵyntaev Almaty telearnasynda Akimat Live tikelei efirinde aitty, dep habarlaidy QazAqparat.
Onyń aitýynsha, ákimdikke RAMS Qazaqstan túrik kompaniiasy osyndai usynys jasaǵan.
«Almatyda olardyń 2 qonaq úii bar eken. Eger olarǵa ruqsat berip, litsenziia rásimdesek 1 qazanǵa deiin eki qonaq úidi koronavirýs naýqastaryn emdeitin statsionarǵa ainaldyrýdy josparlap otyr. Keshe kelisim jasaldy. 2 qonaq úide 250 oryndyq aýrýhana ashylady. Ol jerde qajetti qural-jabdyqtyń bári bolady. Túrik dárigerleri jumys isteitin bolady», - dedi Baqytjan Saǵyntaev.
Aita keteiik, qalada qosymsha tósek-oryndar jasaqtaý, qalanyń barlyq kadrlyq rezervin jumyldyrý jumystary júrgizilýde. Búgingi tańda pandemiiamen kúrestegi aldyńǵy shepke 4 464 meditsina qyzmetkeri (2 681 dáriger men orta meditsina mamany) jumyldyryldy. 1 526 mamannan (dárigerler – 246, orta qyzmetkerler – 1009, kishi meditsinalyq qyzmetkerler jáne basqalary – 145, volonterler – 106) kadrlyq rezerv jasaqtaldy. Barlyǵy 328 adam jumysqa ornalastyryldy (onyń ishinde 96 dáriger, 160 orta meditsina qyzmetkeri, 72 kishi meditsina qyzmetkeri jáne basqalar).
