Almaty qalasynyń halyqaralyq áýejaiyna dárilik preparattary bar birinshi áýe reisi kelip qondy. Ekinshi partiia keshke jetkiziledi, dep habarlaidy "Ult aqparat".
Reseiden 55 tonna medikament jetkiziledi, júk quramynda áleýmettik mańyzdy 10-nan astam preparat ataýy boiynsha shamamen 3 mln qaptama, sonyń ishinde, dene qyzýyn túsiretin jáne COVID-19-ǵa qarsy basqa da dárilik quraldar bar. Tizimde – «Azitromitsin», «Tseftazidim», «Ibýprofen», «Fraksiparin», «Metronidazol», «Tseftriakson», «Geparin», «Nimesýlid», «Levofloksatsin», «Meropenem» untaǵy, «Enoksaparin», «Binergiia» jáne basqalary bar.
QR Densaýlyq saqtaý ministrliginiń Taýarlar men qyzmetterdiń sapasy men qaýipsizdigin baqylaý komitetiniń málimetteri boiynsha, dárilik quraldar men preparattar deklaratsiialaý jolymen úsh kún ishinde sertifikattalady.
«Bizdiń tarapymyzdan QR Úkimetine preparattardy sertifikattaý, jańa preparattardy jedel tirkeý jáne tez jetkizý protsedýralaryn jeńildetý usynysy jasaldy. Bul usynysty ekonomikalyq ósimdi qamtamasyz etý jónindegi Memlekettik komissiia qoldady. Osylaisha, biz meditsinalyq preparattardy sertifikattaý men olardy jetkizýdegi prtsedýralardyń jeńildetilýine qol jetkizdik. Osy sharalardyń bári qalany dárimen qamtamasyz etýge jáne jedel jetkizýge múmkindik beredi», - dedi Almaty qalasy ákimdiginiń qalany dárilik preparattarmen qamtamasyz etý jónindegi úilestirýshi Zańǵar Sálimbaev.
Sonymen birge, shilde aiynyń ortasynda Úndistannan eki partiia dári-dárimek keledi dep kútilýde.
Kelgennen keiin dárilik preparattar tórt iri farmatsevtikalyq kompaniia arasynda odan ary dárihanalarǵa jetkizilý úshin bólinedi. Bul «Medservis pliýs» KFK JShS, «Himfarm» AQ, «Nobel Almaty farmatsevtikalyq Fabrikasy» AQ, INKAR jelileri.
«Himfarm» AQ-nyń habarlaýynsha, virýsqa qarsy preparattary bar júk memlekettiń jedel áýe jetkiziliminiń arqasynda Qazaqstanǵa jetti.
«Kompaniia barlyq qajetti sharalardy qolǵa aldy, jáne tek óz kásipornynda dári óndirý kólemin ulǵaityp qana qoiǵan joq, sonymen birge, Reseidegi óziniń seriktesterimen – virýsqa qarsy preparattar shyǵaratyn «Akrihin» kompaniiasymen bailanysqa shyqty, olar óndiretin virýsqa qarsy preparattardy qazaqstandyq «Himfarm» AQ shyǵarmaidy. Osy seriktestiktiń jáne Máskeýden transporttyq áýe bortyn uiymdastyrýda eki memlekettiń kórsetken jedel qoldaýynyń arqasynda Qazaqstanǵa búgin «Oseltamivir» virýsqa qarsy prepattyń úlken partiiasy bar reis keldi. Atalǵan preparat distribiýtorlyq kompaniialarǵa dereý tielip, elimizdiń dárihanalaryna jaqyn kúnderi jetkiziledi», - dep habarlady «Himfarm» AQ.
Sonymen qatar, RF-nan keletin júkten ózge Almatyǵa shildeniń sońyna deiin áleýmettik mańyzy bar shamamen 4,2 mln qaptama dári-dármek jetkiziledi dep kútilýde.
«Búgin biz Úkimettiń qoldaýy arqasynda Reseiden eki ushaqtyń kelýin kútýdemiz. Eń qajet preparattar jetkiziledi. Biz óte qajet dári-dármektiń 13 túrin jabamyz. Olar - azitromitsin, tseftriakson, ibýprofen jáne basqalary. Úndistannan da jetkizilim josparlanǵan. Ushaqtar koronavirýs infektsiiasyn emdeitin preparattardy ǵana bizge tasymaldaidy», - dedi «INKAR» JShS bas direktory Áliia Erimbetova.
Óz kezeginde «NOBEL Almaty farmatsevtikalyq fabrikasy» AQ shuǵyl túrde jetkizilgen preparattardyń barlyǵynyń pandemiiaǵa qatysty ekenin atap ótti. Olardyń ishinde keń aýqymdy antibiotikter bar. Jetkizilgen preparattar odan ári tasymaldaý úshin distribterlerge beriletin bolady.
Eske salsaq, Almatyda qala ákimi Baqytjan Saǵyntaevtyń tapsymasy boiynsha dári-dármekterdi irkilissiz jetkizý úshin óndirýshilermen, iri jetkizýshilermen jáne dári-dármek distribiýterlerimen belsendi jumystar júrgizilýde. Barlyq farmkompaniialar 1 shildeden bastap dárihanalarǵa áleýmettik mańyzy bar 581 myń dana preparattardy jóneltti, olardyń ishinde «Paratsetamol», «Aspirin», «Ingavirin», «Ibýprofen», «Azitromitsin» jáne basqa dáriler, sonymen qatar termometrler bar.
Dári-dármekke degen suranystyń artýy barysynda qala ákimdigi, jetkizýshiler men dárihanalar jelisi ózara kelisimge qol qoiyp, nátijesinde áleýmettik mańyzy bar dári-dármektiń 41 túri dereý jetkiziletin 105 dárihana anyqtalǵan bolatyn. Osynyń arqasynda dári-dármekterdi jetkizý, olardyń baǵasyn kótermeý jáne bir qolǵa úsh qaptamadan artyq dári bermeý máseleleri retke keltirilýde. Sonymen qatar, atalǵan 105 dárihanada dárilerdiń ótýine, olardyń 10 túriniń jáne termometrlerdiń qansha qalǵanyna kún saiyn monitoring júrgiziledi.
Buǵan deiin, Almatyda dári dármektiń turaqty qoryn qurý úshin 5 mlrd teńge bólingeni týraly jazǵan bolatynbyz.
