"Komirnati" vaktsinasynyń alǵashqy 46 800 dozasy Almaty Qoǵamdyq densaýlyq saqtaý basqarmasy qoimasyna kelip tústi, - dep habarlaidy Tengrinews.kz tilshisi.
Almaty qalalyq Qoǵamdyq densaýlyq saqtaý basqarmasy málimetinshe, algoritm boiynsha vaktsina qaladaǵy barlyq emhanaǵa taratylady.
"Biz vaktsinanyń temperatýralyq rejimniń barlyq shartyn saqtai otyryp jetkizilýin baqyladyq jáne oǵan kózjetkizdik. Biz 8 qorapta qaptalǵan vaktsina aldyq. Barlyq qoraptar zaýyttan vaktsina qoimasyna deiingi barlyq jol boiynda temperatýralyq datchiktermen jabdyqtaldy", - dedi Ortalyq qalalyq klinikalyq aýrýhana direktorynyń infektsiialyq baqylaý epidemiologiialyq máseleleri jónindegi orynbasary Elvira Ibragimova.
Onyń aitýynsha, birinshi komponenttiń 23 400 dozasy jáne ekinshisiniń 23 400 dozasy kelgen. Vaktsinalaý 21-28 kún aralyǵynda júrgiziledi.
Vaktsinalaýǵa júkti, bala emizetin áielder jáne 12 jastan 18 jasqa deiingi jasóspirimder jatady.
"Júktilikke qatysty da belgili bir merzimder bar - júktiliktiń 16-dan 37 aptasyna deiin. Bala emizetin áielder - bala týǵan sátten bastap 42 kúnnen keiin", dep eske aldy dáriger.
Vaktsina qoimada Tselsii boiynsha 60-tan-90 gradýsqa deiingi temperatýralyq rejimde saqtalady.
"Emhanalar vaktsina alǵan kezde temperatýra rejimi ózgeredi. Iaǵni, vaktsinany saqtaý Tselsii boiynsha + 2, + 8 gradýs temperatýrada júzege asyrylady. Bul nusqaýlyqta jazylǵan, bir ai ishinde atalǵan vaktsinany osy temperatýralyq rejimde saqtaýǵa bolady", - dedi ol.
Aita keteiik, 10 qarashada Almaty áýejaiyna Qatar Airways áýekompaniiasynyń Pfizer vaktsinasy bar borty qonǵany habarlanǵan bolatyn.
