Almatyǵa qazan aiynyń sońynda Pfizer vaktsinasy keledi dep kútilýde. Bul týraly onlain brifing barysynda qalalyq qoǵamdyq densaýlyq saqtaý basqarmasy basshysynyń orynbasary Laýra Myrzaǵali málim etti, dep habarlaidy QazAqparat.
«Biz de Pfizer vaktsinasyn kútip otyrmyz. Qazan aiynyń sońynda bolýy kerek. Biraq ázirge Densaýlyq saqtaý ministrliginen jetkizý kestesin alǵan joqpyz. Qazirgi ýaqytta biz klinikalarmen osy vaktsinany saldyrǵysy keletinderdiń tizimin jasaý boiynsha jumys júrgizip jatyrmyz», - dedi Laýra Myrzaǵali.
Sonymen qatar, ol Almaty epidemiologiialyq jaǵdaidy baǵalaý matritsasynda «qyzyl» aimaqta ekenin atap ótti.
Aita keteiik, sońy táýlikte megapoliste koronavirýs infektsiiasyn 426 adam juqtyrǵan.
28 qyrkúiek kúni 6 960 almatylyq vaktsina saldyrdy. Koronavirýsqa qarsy ekpeniń I komponentin 2 324, al II komponentin 4 636 adam aldy.
