Búgin Almaty halyqaralyq áýejaiyna Qytaidan 211 jolaýshysy bar reis keldi, dep habarlaidy "Ult aqparat" qalalyq ákimdikke silteme jasap.
Qytaidan kelgen ushaqtaǵy jolaýshylardyń 171-i Qazaqstan, 40-y Qyrǵyzstan azamattary. Bul - QHR-da koronavirýsty infektsiianyń shyǵýyna bailanysty QR azamattaryn Qazaqstanǵa jetkizgen sońǵy reis.
Mamandardyń aitýynsha, kelgenderdiń jaǵdaiy qanaǵattanarlyq.
«Kelgen bette qazaqstandyqtardy juqpaly aýrýlar emhanalaryna apardy, al Qyrǵyzstan azamattary qyrǵyz tarapyna berildi jáne Qyrǵyz Respýblikasynyń aýmaǵyna jetkizildi. Karantin jariialanǵan jerden kelgen jolaýshylar juqpaly aýrýlar emhanasynyń aýmaǵyndaǵy mamandandyrylǵan bokstarǵa oqshaýlanady. Sanitarlyq jáne shekara qyzmetiniń qyzmetkerleri, ekipaj, meditsina qyzmetkerleri ushaqty áýejai aýmaǵyndaǵy jeke aimaqqa otyrǵyzý kezinde, sondai-aq patsientterdi jeke baǵyt boiynsha oqshaýlaý jáne karantindeý protsesinde koronavirýsty infektsiialardyń taralýyna jol bermeý boiynsha barlyq epidemiiaǵa qarsy sharalardy saqtaǵanyn atap ótken jón. Ushaq bortynda jolaýshylar termometriia ádisi boiynsha úsh kezeńnen turatyn tekserýden ótti», - dedi ákimdiktiń baspasóz qyzmetinen.
Juqpaly aýrýlar aýrýhanasynyń aýmaǵyna kelgenderge barlyq qajetti jaǵdailar jasalǵan. Meditsinalyq uiymdar dári-dármekterdiń jáne epidemiiaǵa qarsy qorǵaný quraldarmen jetkilikti túrde qamtamasyz etilgen.
Jalpy, búgin álemde 45 188 koronavirýsty infektsiia jaǵdaiy tirkelgen.
Dárigerlerdiń aitýynsha, Almatyda jaǵdai turaqty, koronavirýsty juqtyrý jaǵdailary joq.
«Epidahýal biliktiń baqylaýynda. Óńirlik shtab koronavirýsty infektsiianyń taralýynyń aldyn alý boiynsha kúsheitilgen sharalardy iske asyryp jatyr. Barlyq halyqaralyq reister boiynsha virýstyq infektsiialardyń aldyn alý jáne diagnostikalaý boiynsha epidemiiaǵa qarsy sharalar júzege asyrylýda», - dedi baspasóz qyzmetinen.
Koronavirýs máseleleri boiynsha Qazaqstan aýmaǵynda 1406 nómiri boiynsha táýlik boiy call-ortalyq jumys isteidi.
Sonymen qatar, atalǵan reiske kelgenderdiń máseleleri boiynsha Almatyda +7 707 677 7168, +7 771 404 5465 nómirleri boiynsha «jedel jeli» jumysy uiymdastyryldy.
