Almatyǵa arnaiy bortpen keshe kelgen «Teńizshevroil» JShS jumyskerinen koronavirýs tabyldy. Bul týraly qala ákiminiń birinshi orynbasary Erlan Qojaǵapanov onlain brifing barysynda aitty, dep habarlaidy QazAqparat.
«Qazirgi kezde shtab Atyraýdan kelgen qyzmetkerlerdi qabyldaý jumystarymen ainalysýda. Búgin Teńizden (Teńizshevroil) 200 jumysker arnaiy bortpen keledi. Olardy karantinge jatqyzamyz. PTsR taldaýlaryn alamyz. Bul sońǵy 5 kúnde kelgen 3-bort bolyp otyr. Keshe Atyraýdan kelgen qyzmetkerlerdiń arasynan bir adamnan virýs tabyldy. Qazir ony epidemiolog dárigerler qarap jatyr», - dedi Erlan Qojaǵapanov.
Aita ketý kerek, Atyraý oblysynda koronavirýs infektsiiasy anyqtalǵan naýqastyń biri «Teńiz» kenishinde jumys istegenin habarlaǵan bolatynbyz.
Qazir Atyraý oblysyndaǵy Teńiz kenishinen «Teńizshevroildyń» jáne ózge de merdiger kompaniialardyń jumysshylaryn ýaqytsha shyǵarý jalǵasyp jatyr.
22 sáýirdegi málimetke sáikes, ken ornynan 17 myń adam shyǵarylady.
