Foto: qamqor.gov.kz
Quqyqtyq statistika jáne arnaiy esepke alý organdary portalynda «Almatyelektrotrans» kompaniiasynyń burynǵy basshysy Berikhan Myrzakárimovke izdeý salynǵany týraly aqparat shyqty, dep habarlaidy Kazinform agenttigi.
Portalda jariialanǵan aqparatqa sáikes, Myrzakárimov Berikhan Qabiulyna izdeý júrgizip jatqan quzyrly organ — Qarjy monitoringi agenttiginiń Almaty qalasy boiynsha Ekonomikalyq tergeý departamenti.
Aqparatta sondai-aq Myrzakárimovke 8 kúnnen beri izdeý jariialaǵany jazylǵan.
Buǵan deiin Telegram-arnalardyń birinde Almaty qalasy boiynsha Ekonomikalyq tergeý departamentiniń qyzmetkerleri QR QK 189-baby boiynsha «Almatyelektrotrans» JShS burynǵy bas direktory Berikhan Myrzaqárimovke (senip tapsyrylǵan bóten múlikti iemdený nemese ysyrap etý) qylmystyq is qozǵaǵany týraly habarlanǵan edi.
Aita keteiik, Berikhan Myrzakárimov 2021 jyldyń aqpan aiynda «Almatyelektrotrans» JShS-ǵa basshy bolyp kelgen bolatyn.
Sonymen qatar 2022 jyly qazan aiynda «Almatyelektrotrans» eks-bas direktory Bekmyrza Igenberdinov 150 myń dollar kóleminde para alyp jatqan sátinde ustalǵanyn habarlaǵanbyz.
