Qazaqstan aýmaǵynda Almatydan soltústik-shyǵysqa qarai 79 km qashyqtyqta jer silkindi, dep habarlaidy "Ult aqparat" Seismologiialyq tájiribe-ádistemelik ekspeditsiianyń resmi saityna silteme jasap.
«QR BǴM ǴK STÁE» MM seismikalyq stantsiialar jelisi 2020 jylǵy 11 jeltoqsanda Almaty ýaqytymen 04 saǵat 05 minýt 55 sek (2020 jylǵy 10 jeltoqsanda Grinvich boiynsha 22 saǵat 05 minýt 55 sek) jer silkinisin tirkedi. Jer silkinisiniń epitsentri Almaty qalasynan soltústik-shyǵysqa qarai 79 km jerde Qazaqstan aýmaǵynda ornalasqan», – delingen habarlamada.
Jer silkinisiniń energetikalyq klasy 9.0. Magnitýdasy MPV 4.3. Zilzala oshaǵynyń baǵyty 43.54° s.e. 77.77° sh.b. Tereńdigi 15 km. Sezilýi týraly málimetter (MSK-64 shkalasy boiynsha): joq.
