Baqytjan Saǵyntaev JEO-2-ni jańǵyrtý boiynsha «Samuryq-Energo» basshylarymen jáne qoǵam ókilderimen keńes ótkizdi, dep habarlaidy "Ult aqparat".
Almatylyqtar úshin eń ózekti máseleniń biri – ekologiianyń qazirgi jaǵdaiy. Óitkeni, zalaldy zattardyń tórtten biri JEO-2-den bólinedi. Zalaldy zattardy azaitý úshin jylý-elektr ortalyǵynyń qýatyn gazǵa kóshirý qajet.
Qazirgi kezde «QazEnergoónerkásiptik» ǴZI mamandary JEO boiynsha «Almatynyń energokeshenin gazdandyrý, qorshaǵan ortaǵa eń tómen zalal keltirý úshin JEO-2-ni jańǵyrtýdyń» jobasyn ázirleýde.
Joba boiynsha júrgizilgen alǵashqy nátijeler 2020 jyldyń naýryz aiynda qaralady. Munda gazǵa kóshirý jáne gazben tazartý qondyrǵylaryn ornatýdan bastap jańa stansa salýǵa deiingi birneshe nusqalar saralanady. Basty maqsat — tútindi gazdaǵy zalaldy zattardyń quramyn ES standarttaryna deiin azaitý.
«Búgingi kúni biz úshin modernizatsiialaý modelin belgileý mańyzdy, sodan soń sarapshylarmen jáne jurtshylyqpen birge barlyq taraptardyń kóńilinen shyǵatyn sheshimdi ashyq dialog túrinde qabyldaityn bolamyz. Munda biz ekologiia múddesine júginemiz», — dep atap ótti Almaty ákimi Baqytjan Saǵyntaev.
