2022 jyldyń naýryz-sáýir ailarynda kestege sáikes eski JEO-2 alańynda jańa stantsiia qurylysy bastalady. Stantsiianyń birinshi blogyn kógildir otynǵa qosý 2023 jyldyń sońyna josparlanyp otyr, dep habarlaidy QazAqparat.
Qazirgi ýaqytta jobanyń TEN qujattary keshendik vedomstvodan tys saraptamadan ótýde. Qorytyndy sheshim shartta kórsetilgen merzimge sáikes 2021 jylǵy jeltoqsan aiynyń sońynda berilmek.
«Jańa stantsiia jobasy belgilengen elektr qýatynyń 600 MVt deiingi mólsherde bolýyn, al jylý qýatynyń 957 Gkal/saǵ. bolýyn kózdeidi. Elektr stantsiiasy kogeneratsiia qaǵidatyn paidalana otyryp, iaǵni jylý men elektr energiiasyn birlesip óndirýge múmkindik beretin qazirgi zamanǵy bý-gaz tehnologiialary negizinde salynǵan ekologiialyq taza otynmen - tabiǵi gazben jumys isteitin bolady. Jobany ázirleýshilerdiń aitýynsha, munda dástúrli bý týrbinalyq tsikl tehnologiiasyna qaraǵanda tabiǵi gazdy tiimdirek jaǵýǵa múmkindik beretin eń ozyq qoljetimdi tehnologiialardy paidalaný kózdelip otyr»,- dep habarlady «Samuryq-Energo» AQ baspasóz qyzmeti.
Kompaniia málimetinshe, 2022 jyldyń naýryz-sáýir ailarynda kestege sáikes eski JEO-2 alańynda jańa stantsiia qurylysy bastalady. Stantsiianyń birinshi blogyn kógildir otynǵa qosý 2023 jyldyń sońyna josparlanyp otyr.
«Tehnikalyq-ekonomikalyq negizdeme TEN ázirleý barysynda gaz týrbinalyq jabdyqtardy daiyndaýshy zaýyttardyń tehnikalyq-kommertsiialyq usynystary qaraldy. Muqiiat taldaýdan keiin túpkilikti tańdaý álemniń jetekshi 3 óndirýshisin saralady: General Electric, Siemens, Mitsui, olardyń jabdyqtarynyń qoldanystaǵy jaǵdailarǵa sáikes keletindigi eskerildi»,- delingen kompaniia habarlamasynda.
Stantsiianyń árqaisysy 200 MVt-tyq blogynyń paidalanýǵa berilýine qarai jańa jabdyq qoldanystaǵylardy konservatsiialaýǵa shyǵarýdy kezeń-kezeńimen almastyratyn bolady. Elektr energiiasy men jylý óndirý toqtatylmaidy.
Negizgi tehnologiialyq jabdyqtar: gaz týrbinalary, bý týrbinasy jáne qajetti qazandyqtar Qazaqstanda óndirilmeitin bolǵandyqtan syrttan (import) ákelinedi.
Basqa jabdyqtar (transformatorlar, kabel ónimderi, sorǵylar jáne t.b.) jergilikti óndiris ónimderi.
