2022 جىلدىڭ ناۋرىز-سەۋٸر ايلارىندا كەستەگە سەيكەس ەسكٸ جەو-2 الاڭىندا جاڭا ستانتسييا قۇرىلىسى باستالادى. ستانتسييانىڭ بٸرٸنشٸ بلوگىن كٶگٸلدٸر وتىنعا قوسۋ 2023 جىلدىڭ سوڭىنا جوسپارلانىپ وتىر, دەپ حابارلايدى قازاقپارات.
قازٸرگٸ ۋاقىتتا جوبانىڭ تەن قۇجاتتارى كەشەندٸك ۆەدومستۆودان تىس ساراپتامادان ٶتۋدە. قورىتىندى شەشٸم شارتتا كٶرسەتٸلگەن مەرزٸمگە سەيكەس 2021 جىلعى جەلتوقسان ايىنىڭ سوڭىندا بەرٸلمەك.
«جاڭا ستانتسييا جوباسى بەلگٸلەنگەن ەلەكتر قۋاتىنىڭ 600 مۆت دەيٸنگٸ مٶلشەردە بولۋىن, ال جىلۋ قۋاتىنىڭ 957 گكال/ساع. بولۋىن كٶزدەيدٸ. ەلەكتر ستانتسيياسى كوگەنەراتسييا قاعيداتىن پايدالانا وتىرىپ, ياعني جىلۋ مەن ەلەكتر ەنەرگيياسىن بٸرلەسٸپ ٶندٸرۋگە مٷمكٸندٸك بەرەتٸن قازٸرگٸ زامانعى بۋ-گاز تەحنولوگييالارى نەگٸزٸندە سالىنعان ەكولوگييالىق تازا وتىنمەن - تابيعي گازبەن جۇمىس ٸستەيتٸن بولادى. جوبانى ەزٸرلەۋشٸلەردٸڭ ايتۋىنشا, مۇندا دەستٷرلٸ بۋ تۋربينالىق تسيكل تەحنولوگيياسىنا قاراعاندا تابيعي گازدى تيٸمدٸرەك جاعۋعا مٷمكٸندٸك بەرەتٸن ەڭ وزىق قولجەتٸمدٸ تەحنولوگييالاردى پايدالانۋ كٶزدەلٸپ وتىر»,- دەپ حابارلادى «سامۇرىق-ەنەرگو» اق باسپاسٶز قىزمەتٸ.
كومپانييا مەلٸمەتٸنشە, 2022 جىلدىڭ ناۋرىز-سەۋٸر ايلارىندا كەستەگە سەيكەس ەسكٸ جەو-2 الاڭىندا جاڭا ستانتسييا قۇرىلىسى باستالادى. ستانتسييانىڭ بٸرٸنشٸ بلوگىن كٶگٸلدٸر وتىنعا قوسۋ 2023 جىلدىڭ سوڭىنا جوسپارلانىپ وتىر.
«تەحنيكالىق-ەكونوميكالىق نەگٸزدەمە تەن ەزٸرلەۋ بارىسىندا گاز تۋربينالىق جابدىقتاردى دايىنداۋشى زاۋىتتاردىڭ تەحنيكالىق-كوممەرتسييالىق ۇسىنىستارى قارالدى. مۇقييات تالداۋدان كەيٸن تٷپكٸلٸكتٸ تاڭداۋ ەلەمنٸڭ جەتەكشٸ 3 ٶندٸرۋشٸسٸن سارالادى: General Electric, Siemens, Mitsui, ولاردىڭ جابدىقتارىنىڭ قولدانىستاعى جاعدايلارعا سەيكەس كەلەتٸندٸگٸ ەسكەرٸلدٸ»,- دەلٸنگەن كومپانييا حابارلاماسىندا.
ستانتسييانىڭ ەرقايسىسى 200 مۆت-تىق بلوگىنىڭ پايدالانۋعا بەرٸلۋٸنە قاراي جاڭا جابدىق قولدانىستاعىلاردى كونسەرۆاتسييالاۋعا شىعارۋدى كەزەڭ-كەزەڭٸمەن الماستىراتىن بولادى. ەلەكتر ەنەرگيياسى مەن جىلۋ ٶندٸرۋ توقتاتىلمايدى.
نەگٸزگٸ تەحنولوگييالىق جابدىقتار: گاز تۋربينالارى, بۋ تۋربيناسى جەنە قاجەتتٸ قازاندىقتار قازاقستاندا ٶندٸرٸلمەيتٸن بولعاندىقتان سىرتتان (يمپورت) ەكەلٸنەدٸ.
باسقا جابدىقتار (ترانسفورماتورلار, كابەل ٶنٸمدەرٸ, سورعىلار جەنە ت.ب.) جەرگٸلٸكتٸ ٶندٸرٸس ٶنٸمدەرٸ.
