Almatyda JEO-2 men JEO-3 2024-2025 jyly tolyǵymen gazǵa aýysady, dep habarlaidy QazAqparat.
Onlain konferentsiia barysynda JEO-2 stansasynan - 38 myń tonna, JEO-3 stansasynan 12 myń tonna ziiandy zat shyǵatynyn eskergen QR Ekologiia ministri ortalyqtar qashan gazǵa aýysatynyn surady.
«Biz qazan-qarashada tender jariialaimyz. Kelesi jyly biýdjetke jobanyń tehnikalyq ekonomikalyq negizdemesin júrgizý shyǵyndaryn kirgizemiz. Qazir biz kógildir otynǵa ótinish berip jatyrmyz. JEO-3 jumys isteý úshin biz qai otyndy qoldanatynymyzdy túsinýimiz kerek. Kómir bolsa, kúl shyǵaratyn oryn joq. Sondyqtan, ol jerde jalǵyz ǵana otyn – gaz qoldanylýy kerek», - dedi «Samuryq Energo» AQ óndiris jáne aktivterdi basqarý direktory Serik Túitebaev.
Onyń aitýynsha, JEO-3 tehnikalyq ekonomikalyq negizdemesin jasaýǵa 3 jyl ketedi.
«Eger «QazTransGaz» AQ bizge tehnikalyq sharttardy jasap berse, biz jol kartasyn ázirlei beremiz. 2021 jyly tehnikalyq ekonomikalyq negizdeme jasap, 2022 jyly qarjylandyrýdy uiymdastyryp, 2023 jyly qurylysty bastaimyz», - dedi ol.
Serik Túitebaevtyń aitýynsha, JEO-2 boiynsha da tehnikalyq-ekonomikalyq negizdeme jasalady. Qarjylyq máseleler QR Energetika ministrligimen birlesip qarastyrylady.
Ekologiialyq retteý jáne baqylaý komitetiniń tóraǵasy Zulfuhar Joldasov qazirgi tańda «Samuryq-Energo» AQ «Almaty JEO-2» qorshaǵan ortaǵa ziiandy áserin azaitý úshin qaita jańǵyrtý» tehnikalyq-ekonomikalyq negizdemesiniń jobasy qarastyrylyp jatqanyn aitty. Oǵan sáikes JEO-2-nyń barlyq qazandyqtarynda kómir ornyna gaz jaǵý qarastyrylǵan. Ol aýaǵa bólinetin kúkirt dioksidi, kúl, taǵy basqa zattardyń 83%-ǵa (qazirgi 37 myńnan 6 myńǵa deiin) azaiýyna yqpal etedi.
Jalpy alǵanda, JEO-2 boiynsha jumystar – 2024 jylǵa taman, JEO-3 boiynsha jumystar 2024-2025 jylǵa taman aiaqtalýy tiis.
Onlain konferentsiiaǵa QR Ekologiia, geologiia jáne tabiǵi resrýstar ministri Maǵzum Myrzaǵaliev, Almaty ákiminiń birinshi orynbasary Erlan Qojaǵapanov, ekologiialyq belsendiler qatysyp jatyr.
