Tótenshe jaǵdailar ministrliginiń Ónerkásiptik qaýipsizdik komiteti Almaty qalasyndaǵy qurylys obektisindegi jazataiym oqiǵaǵa qatysty pikir bildirdi, - dep habarlaidy "Ult aqparat" Tengrinews.kz agenttigine silteme jasap.
Komitet málimetinshe, 26 shildede «Jetisý-3» yqshamaýdany, 55A ýchaskesinde saǵat 17:30 shamasynda "Almataý Stroi Garant" JShS qurylys alańynda oqys oqiǵa bolǵan.
"Aldyn ala derekter boiynsha, munara kranyn bólshekteý kezinde qaýipsizdik tehnikasynyń buzylýy saldarynan jebe sektsiiasy aýdarylyp ketken (jebe sektsiiasy tiisti túrde bekitilmegen). Jazataiym oqiǵa saldarynan eki adam zardap shekti, olardyń bireýi oqiǵa ornynda qaitys boldy. Ekinshisi bas-mi jaraqatyn alyp, meditsinalyq kómek kórsetilgennen keiin úiine jiberildi", - dedi Tótenshe jaǵdailar ministrliginiń ókilderi.
Bul rette 2021 jyldyń qarashasynan beri qurylystyń toqtap qalýyna bailanysty kran jumys istemei turǵany habarlanǵan. Ol 2021 jyly shyǵarylǵan, menshki iesi - "Potok-8" JShS.
Almaty politsiiasy málimetinshe, marqum qurylys ýchaskesiniń slesary bolǵan. Er adam 33 jasta edi. Ol oqiǵa ornynda qaza boldy. Qazirgi ýaqytta Almaty qalalyq PD jedel-tergeý toby tergeý jumystaryn bastaǵan.
Tótenshe jaǵdailar ministrligi ÓQK málimetinshe, qazir marqum men qurylys uiymy arasyndaǵy eńbek qatynastary týraly aqparat naqtylanyp jatyr.
"Tergeý júrgizý úshin krandy basqarǵan uiym men bólshekteý jumystaryn júrgizgen adamdar toby arasyndaǵy eńbek qatynastaryn anyqtaý qajet. Eńbek qatynastary áli ornatylmaǵan. Eger olardyń arasynda eńbek sharty bolsa, onda tergeýdi eńbekti qorǵaý organdary bekitedi.
Olar komissiia qurady, onyń quramyna Ónerkásiptik qaýipsizdik komitetiniń (ÓSM) ókili de kiredi. Eger eńbek qatynastary bolmasa, tergeýdi tergeý organdary júrgizedi", - dedi TJM Ónerkásiptik qaýipsizdik komitetindegiler.
Eske salaiyq, bir kún buryn Almatyda qurylys krany turǵyn úi aýlasy ortasyna qulap, bir adam qaza tapqan bolatyn.
