Almatydaǵy jappai tártipsizdik kezinde anasy men qyzy 4 politseige kómektesti, dep habarlaidy QazAqparat.
Anasy Svetlana men qyzy Polina Prosvirinanyń aitýynsha, olar 5 qańtar kúni ortalyqta bolyp jatqan tártipsizdikten beihabar bolǵan.
«Biz kólikpen ál-Farabi jaqtan Nazarbaev kóshesimen tómen túsip kele jattyq. Rólde qyzym boldy. Aldymyzdan birneshe politsiia kóligi shyǵyp, joldy jaýyp, tez keri burylýdy buiyrdy. Nazarbaev kóshesimen joǵary qarai áskeriler men politseiler júgirip bara jatty. Kólikti bura salysymen, esikti ashyp tórt politsiia qyzmetkerin otyrǵyzdyq. Olardyń qolynda qalqandary boldy. Bireýi aiaǵynan qatty jaralanǵan eken. Biz eshteńe túsine almadyq. Politsiia qyzmetkerlerin dittegen jerlerine jetkizip saldyq. Olarmen tanysyp ta úlgermedik», – deidi, Svetlana Prosvirina.
Keiin belgili bolǵanyndai, almatylyqtar kómektesken politsiia qyzmetkerleri - Jetisý aýdandyq politsiia basqarmasynyń ýchaskelik inspektorlary eken.
Jas tártip saqshylary búgin Svetlana jáne Polinamen kezdesip, politsiia departamenti basshylyǵymen birge olarǵa alǵystaryn bildirdi.
«Bul is-áreket – adamgershiliktiń, jaýapkershilik pen belsendi azamattyqtyń jarqyn úlgisi. Svetlana men onyń qyzy qaýip-qaterge qaramastan, erlik kórsetip, politsiia qyzmetkerlerine kómektesti. Olarǵa IIM basshylyǵynyń, jeke quramnyń jáne jeke ózimniń atymnan shyn júrekten alǵys aitamyn», - dedi Almaty qalalyq politsiia departamentiniń basshysy Qanat Taimerdenov.
